gernikako berbalagunak

Mendi irteera 28an, Ereñozarrera

2012-01-20T14:19:00.004+01:00

Urtarrilaren 28an mendi irteera egingo dugu. Goizeko 9:00etan udaletxe aurrean elkartuko gara Ereñozarreraino joateko, guztira 16 km izango dira. Itzuli autobusez itzuliko gara, Arteagatik.

Erdu gurekin inguruak ikusiz gozatzera, lagun berriak egitera eta euskeraz, jakina!

Urtarrileko "Ezetz jakin" lehiaketa

2012-01-19T13:41:00.005+01:00

Hemen duzue urtarrileko "Ezetz jakin" lehiaketa. Bete eta urtarrilaren 28rako sartu kultur etxean dugun buzoian. Oraingo saria LEZAMA jatetxeak emango du.

"Euskal dantzak", ikastaroa

2012-01-12T14:03:00.002+01:00

Bosgarren urtea da "euskal dantzak" ikastaroa antolatu duguna. Hamabi asteko ikastaroa izango dugu astearteetan, iluntzeko 20:15etatik 21:15etara. Aurten hamar euro ordaindu beharko da izena ematerakoan. Irakasleak Leire Martiartu eta Zirats Atxikallende izango dira. Egun gutxi geratzen dira izena emateko, beraz, espabilatu!.

"Ezetz jakin" lehiaketa, abenduko irabazlea

2012-01-11T13:47:00.005+01:00

Abenduko "Ezetz jakin" lehiaketa Barrutialdeko Institutuko irakaslea den Sorkunde Ugalde Salinasek irabazi du. Bi lagunentzako afaria JULEN jatetxean. 73 lagunek hartu dute parte lehiaketan.

Ikusi 2012-01-12ko CORREO eta egun bereko Busturialdeko HITZAn agertzen diren albisteak.

Urtarrileko lehiaketa kalean da jadanik eta saria Lezama jatetxeak emango du. 28ra arte izango dugu epea bete eta Kultur Etxean dugun buzoian sartzeko.

Nork jakin, hurrengo saria zeuretzat izan daiteke!

"krisialdia"

2011-12-31T13:43:00.004+01:00

Abenduaren 22an, EKAI Center elkartekoek eta MAIER enpresako Julen Madariagak eman ziguten hitzaldian argi geratu zen zezenari adarretatik oratu behar zaion moduan, gure eskualdean krisiari aurre egiteko eragile guzti-guztiok elkartu ezik, nekez lortuko dugula egoerari buelta ematea. Norberekeriak albo batera utzi eta elkarrekin joan ezean ez dugula lortuko langabeziari aurre egitea argi utzi zuten. Entzuleen artean zegoen batek Goierrin orain 35 urte inguru eskualdearen gainbehera ikusita, martxan jarri zuten adibidea azaldu zuen.

Ea bada, eman behar dugun lehenengo pausua zein den badakigu. Eutsi gogor!

ardo ikastaroa

2011-12-31T13:27:00.005+01:00

Ana Larrañagak eman zigun ikastaroan hainbat gauza ikasi genituen:

mahats motak zeintzuk diren, ardoek nola lortzen duten jatorri deitura (J.O.), nolako kopa erabili behar den, dastaketarako erabiltzen ditugun zentzuen berri, zein preziotako ardoak erosi behar ditugun, publizitateari ez diogula horrenbeste begiratu behar, ...

-Zapore gozoa mihi muturrean nabaritzen dugu.

- " gazia mihiaren gainean " "

- " garratza mihiaren aldamenetan "

- " mikatza mihiaren atzeko aldean "

Hurrengo ikastaroa apirilaren aldera egingo dugula aurrikusi genuen. Hasi zaitezkete izena ematen.

KRISIALDIA

2011-12-16T13:46:00.003+01:00

HITZALDIA: KRISIALDIAREN ERAGINA EUSKAL HERRIAN eta BUSTURIALDEAN
Abenduaren 22an, osteguna, arratsaldeko 19:3oean Kultur Etxean.

Abenduko "Ezetz Jakin" lehiaketa

2011-12-15T14:46:00.003+01:00

Ardoari buruzko ikastaroa

2011-12-09T14:53:00.001+01:00

11 orduko irakurraldia 2011-12-01, 1go zatia

2011-12-07T16:09:00.029+01:00

Goizeko 9:00etan, Amaia Garciaren irrintziaren ostean hasiera eman genion 11 orduko irakurraldiari. Aukeratutako liburua: "Zazpi etxe Frantzian"

Udaleko langileak izan ziren 10ak arte.

Udaleko langileen ostean, 10:00etan, Mertzede ikastetxea

Mertzede ikastetxearen ostean, 11:00etan, Seber Altube ikastolakoak

Seber Altube ikastolaren ostean, 12:00etan, Barrutialdekoak

Barrutialdekoen ostean, 13:00etan, Berritzegunekoak

Berritzegunekoen ostean, Institutuko eta eskoletako irakasleak

EPAkoak, 13:30ean. Ikusi http://www.cepa.gernika-lumo.com/

EPAkoen ostean, komunikabideak: HITZA eta Oizmendi telebista, 14:00etan

Bittor hutsuneak betetzen.

Hamaika orduko irakurraldia 2011-12-01ean, 2. zatia

2011-12-05T12:17:00.020+01:00

San Fidel ikastolakoen txanda 15:30ean

Lanbide Ekimenak eta Berbalagunkideak 16:30ean

Foruko Barnetegikoak

Aldaba eta Gernikazaharrakoen txanda.

UREkoak

Zineklubekoak

Aita Villasante Udal Euskaltegikoak 18:00etan

AEK euskaltegikoak 18:30ean

Busturiko AEK-ko taldekoak.

Busturialdean Euskaraz Bizi taldekoak.

Alkate, zinegotzi eta zinegotzi ohiak 19:00etan.

Emerita etorkina eta Gaztetxekoen txanda 19:30ean.

Lili-Bertsokoak.

Amaiera ekitaldian, txalaparta eta adarra.

Irrintziak, zantzoak, ujubiak, ...

Datorren urtean gehiago eta hobeto! ! !

Azaroko "Ezetz Jakin" lehiaketaren irabazlea

2011-11-30T21:10:00.006+01:00

Azaroko "Ezetz Jakin" lehiaketaren irabazlea Arteagako Amaia Etxebarriazarraga Akordagoitia izan da. Laurogeita hamaika erantzun jaso ditugu epearen barruan eta beste bi epez kanpo. Erantzun guztiak zuzen eduki dutenen artean zozketa egin eta irabazleak bi lagunentzako afaria irabazi du 1000 kolorau jatetxean.

Saria jasotzeko unean ateratako argazkian dauzkagu irabazlea, 1000 kolorau jatetxearen izenean Aitor Lasa, Espe Uriarte Euskera Zinegotzia, Beñat Amutio Aita Villasante Udal Euskaltegikoa eta Pili Ibarra Berbalagun teknikaria.

Kalean daukagu, jadanik, abenduko lehiaketa. Jaso, bete eta sartu kultur etxean dugun buzoian abenduaren 26rako.

Hamaika orduko irakurraldia

2011-11-28T21:11:00.003+01:00

Bernardo Atxagaren liburuaren irakurketa kolektiboa abenduaren 1ean. Goizeko bederatzietan hasi eta iluntzeko zortzietan emango diogu amaiera irakurraldiari. Herri osoa mobilizatu dugu, ia 400 irakurle beharko ditugu hamaika ordu horiek betetzeko.

Irteera azaroaren 19an, Gernika-Mundaka

2011-11-23T21:57:00.010+01:00

Gernika-Lumo, San Kristobal, Goiko Errota, Baldatika, Alarbin Goikoa, Altamira, San Bartolome, Sukarrieta, Portuondo, Mundaka.

16km 4,5 ordutan egin genuen oinez eta itzulera trenez. Aparteko eguraldia izan genuen, epel-epela, eta beharbada horregatik apuntatu zen horrenbeste jende, 83 lagun eta txakur bi. Horrela segituz gero, laster pasatuko dugu Goizaleko irteeretan doazenen kopurua.

Ibilbidea ikusgarria prestatu zigun "Txiki"k. Zokondo guztiak zehatz-mehatz ezagutzen ditu eta gure gozamenerako, erakusteko prest egoten da.

Iratxe Uriguenek ere lan fina egin zigun, triptikoan ondo baino hobeto azaldu zigun ibilbide horretan aurki genezakeen guztia.

Hemen dauzkazue Jon Mikelek eta beste argazkilari anonimo batek ateratako argazki batzuk:

Baldatikan atera genuen taldearen argazkia. Hor den-denok ez gaude, non izkutatu ziren batzuk?

Iratxek azalpenak eman zizkigun.
Triptikoak irakurtzen ez ezik Iratxeren azalpenak entzuten ere jendea adi-adi egon zen.

Jakin gura badaukagu.

Zer ikusiko dugun? Oleta erreka eta bere ibarreko basoa, Goiko errota, Artola erreka eta bere ibarreko basoa, Alarbin Goikoa Altamira auzoan, ...

Zer gehiago? Busturiako mahats parrak, San Bartolome auzoa eta bertako baseliza, Aingerubideko hariztia, Axpe auzoa eta bertako hilarri bitxia, Errege bidea edo Zin bidea, ...

Baldatika aldean urdina gustukoa dute, kultur etxea urdin-urdina, obratako plastikoa ere urdina, zerua ere urdin-urdin,.. .

Iratxek dio San Kristobal ermita aurretik pasatu garela, Armotxerriko txalet eta baserri artetik Baldatika erreka bazterrera heldu arte eta erreka bazterretik ur gora eginda Goikoerrota ondotik Baldatika auzora heldu garela (Baldatikan gaude).

Baldatika auzoa.

Kultur etxe dotorea gero!

Iratxek dio Baldatikatik Urtxurriña baserrira joko dugula, bidean Oxinbaltzagatik igarota Alarbingoikora helduko garela.

Binba ere pozik daukagu; Beatriz, zer eman diozu ba?

Hori da martxa, neskak!

Mutilak ere, ez dira atzean gelditzen, ezta?

Paraje dotorea, ezta?

Bego nekatuta dago. Ba, oraindik kilometro batzuk egin beharko dituzu e!

Juanito, mendian ibiltzea baino errazagoa da baldosak jartzea, ala?

Ani orain ere ilustretan daukagu, zer galdetzen diozu Maiteri ea Kuban euskeraz egiten den?

Artola erreka Busturin.

Alarbin Goikoa burdinola izan zen hasieran, gero burdina lantzeari utzi eta garia ehotzeari ekin zion errota lanetan. Azkenean argi indarra sortzeko erabili zen.

Gure ibilbideetan beti animaliren bati ateratzen dizkiogu argazkiak. Oraingoan, paboei. Gabonetarako izango ote dira?

Nork daki zein lora den?

Altamira auzoan, triperako egiten.

Elkar-trukea izan zen nagusi.

Haginak dabiltzanean sabela pozik.

Isaba, zein da txakurraren izena? Hori be, gose da.

Gure "mediku jauna" mandarinak banatzen daukagu?

Hau kantsakizuna! Oraindik, erdia baino ez dugu egin.

Hara Iñakik zeinen ondo zaintzen dituen neskak.

Tarterea ekarri duzue ala? Eskaini besteei ere.

Argazkilariari argazkilariak argazkia atera.

Busturiko San Bartolome auzoa.

Mahats-parrak San Bartolomen.

San Bartolome auzoko baseliza.

Aingerubideko hariztian, horman margotutakoari bistadizoa ematen.

Koba zuloa Axpe auzoan. Sasoi baten sartzeko aukera bazegoen, gaur egun itxita dago

Andra Mari elizaren atari ikusgarria.

Errege bidea edo Zin bidea, oraindik ikus ditzakegu galtzada zaharraren harlanduak.

Bide honetatik joaten ziren aintzina Bizkaiko jaunak Bermeoko Santa Eufemia elizara bizkaitarron foruak zin egitera.

Batzuek Errege bidetik kanpo ibiltzen badakite.

Nor zara zu, Pedro?

Karearen erabilerak asko ziren: baserrietako hormak zuritzeko, soloak ongarritzeko, ganaduaren zauriak sendatzeko, arrautzak fresko mantentzeko, ...

Saioa, non utzi duzu makila?

Maite ere pozik, euskara praktikatzeko aukera aparta izan zuelako.

Sukarrietaraino heldu gara.

Gabiota bistan.

Ibarrangeluko Arketa ere bistan.

Mundakako hondartza, zein izen du? Laidatxu?

Portuondotik behera Mundakarantz.Ondo ezkutatutako babesleku bitxia izan zen erromatar garaiko portua.

Mundaka! ! !

Batzuk zuzenean geltokira, beste batzuek txakolintxuak hartu zituzten.

Karakolak ala bareak, zein ote dira hobeak?

Trapitxeoan zabiltzate?

Hurrengoan, ez etorri txakurrik gabe, e!

Hauek ez dute bileterik ordaindu, "pika" badator ikusiko duzue.

Maestrak nagusi, Elantxobekoa, Mundakakoak, Bilbokoa, Zornotzakoak, zein da zeuon eskola?

OHARRA: Abenduan irteera egiteko egunik ez dugu topatu. Beraz, hurrengo irteera urtarrilean izango da.

Eguraldia iragartzen

2011-11-18T11:07:00.005+01:00

Bagatoz barriro ere eguraldi kontuak iragartzeko asmotan. Ez dakit luzea egin zaizuen ala ez tarte honetan ez izateak, baina gogoz etorri gara berriro ere. Batzuetan hutsen bat edo beste egin genezake baina meteorologia kontuak horrelakoak dira, eskerrak horri da hain ederra eta xarmangarria, baina uste dut barkatuko didazuela.

Asteburu honetan mendi martxa polita daukagu BERBALAGUNok, zapatuan, Gernikan hasi eta Mundakan amaitzeko. Ibilbide benetan polita Urdaibai inguruetan eta eguraldiak lagunduko digu oraingoan ere.

Gaur ostirala, egun argitsua esnatu zaigu, gauean ihintza edo garo pixka bat egin du. Tenperatura freskoena 8 - 10 gradutan geratu da Gernika-Lumo inguruetan, kostaldean gradu batzuk altuagoa izan da, bertan hego haizearen eragina nabariagoa izan delako. Egun gehiena zeru oskarbiarekin joango da eta atzo baino 3-4 gradu altuagoa tenperatura eguerdi aldean. Eguna pasa ahala hego haizea indartzen joango da eta arratsaldean bufada indartsuak izan genitzake. Haize hori dela eta, hurrengoko gaua ez da hain freskoa izango eta tenperatura epelagoekin esnatuko zaigu larunbata.

Larunbatez, udazkeneko edo udagoineko eguraldi goxoa izango dugu. Herriko haizea goizean goizetik indarrean ibiliko da. Zeruan barikuan baino laino gehiago ikusiko dugu, baina ez digute batere bildurrik emango. 15 -17 graduren bueltan ibiliko da , goizean zeozertxo freskoagoa baina eramangarria, haizeak joten duen unetan fresko sentitu daiteke, baina oinez eta kirola eginez ibiliko garenez ez dugu nabarituko. Praka motzak eta jertse edo sudadera batekin joateko eguna.
Ez dago aitzakiarik gurekin paseotxoa ez egiteko eta bide batez mihina astintzeko.

Igandean ere eguraldi goxoa daukagu aurretik, haizea bareago ibiliko da aurreko egunetan alderatuta, laino gehiago ikusi arren ez dauka euririk egiteko asmorik, laino alferrak izango dira.
Egunaren hotz beroa bezperakoa modukoa izango da, beraz asteburu polita daukagu aurretik eta goza dezagun.

Datorren astea badirudi euri kontuekin hasiko dela astelehena eta asteartea bai behintzat eta tenperatura beherantz egiteko joerarekin, udazkeneko kontuak ekarriko ete dituen.

Gaur zortzi, azaroaren 25 ilberri daukagu, eguraldi kontuak eta ilargiak lotuta egon ote daitezkeen susmoa badago Euskal Herriko ohituretan. Propòsatzen dizuet adi egotea zeren baliteke ilberri honek lehenengo elurrak ekartzea 1.000 metrotik gorako gure inguruko mendietan . Adi egon eta esango didazue.

Ez ahaztu asteburu honetan Lizeo Antzokian punta-puntako filmeak dituguna: Umeen orduan TINTIN pelikula berria eta nagusien ordutegian BERTSOLARI pelikula arrakastatsua.

Mendi irteera azaroaren 19an

2011-11-14T12:06:00.003+01:00

Azaroaren 19an egingo dugu hilabete honetako irteera. Gernika-Lumotik Mundakaraino oinez joango gara eta trenez itzuli, guztira 16 km izango dira. Goizeko 9:00etan udaletxe aurrean elkartuko gara. Gurekin etortzeko asmorik badaukazu, eman izena AEKn edo Aita Villasante Udal Euskaltegian.

"Ezetz jakin" lehiaketa, azaroa

2011-11-09T12:45:00.004+01:00

2011-2012 ikasturteko lehenengo "Ezetz jakin" lehiaketa kalean ! ! ! ! !

Bete eta eraman kultur etxean dugun buzoira. Ea oraingoan zeu zaren irabazlea! Saria "1000 kolorau" jatetxeak emango du.

BERBALAGUN aurkezpena Gernika-Lumon

2011-11-07T12:45:00.004+01:00

Azaroaren 26an egin genuen 2011-2012 ikasturtearen aurkezpena. Aurreko ikasturtearen balorazioa eta ikasturte honetarako asmoak azaldu genituen: orain arte, zenbat talde dauzkagun martxan? 13. Berritasunik? II. MIHILUZE TXAPELKETA Gernika-Lumon; Euskararen egunaren inguruan, abenduaren 1ean Bernardo Atxagaren "Zazpi etxe Frantzian" liburuaren irakurraldia, goizeko 9:00etan hasi eta iluntzeko 20:00etan amaitzeko, etenik gabeko irakurraldia.

Eta ikasturtez ikasturte ohitura bihurtu ditugun hileroko irteerak, "Ezetz Jakin" lehiaketa, euskal dantza ikastaroa, .... eta abar eta abar.

Prentsaurrekoan zer gehiago azaldu genuen jakin gura baduzue, irakurri azaroaren 27an CORREOk atera zuena, edo data berean Deiak atera zuena, edo Busturialde eta Lea-Artibaiko HITZAk atera zuena, edo ikusi OIZMENDI telebistak eskaini zuen saioa.

Badakizue, BERBALAGUNen izena eman nahi baduzue, AEKn, Aita Villasante Udal Euskaltegian, kultur etxean edo udaletxean hartu fitxa eta bete.

Gernika-Ajangiz-Gernika irteera

2011-10-23T19:49:00.042+02:00

2011-2012 ikasturteko lehenengo irteera egin genuen larunbatean. Gernika-Lumo-Oka-Mentxeta-Etxerre-Eperlanda-Estilotza-Solaurren-Ajangiz-Gernika-Lumo ibilbidea aukeratu zuen "Txiki"k lehenengo irteera egiteko, 16 km. Eguraldi zoragarria eta inguruaz gozatzeko aukera ezin hobea izan genuen. 66 lagun batu ginen, 44 emakumezko eta 22 gizonezko.

Zer ikusi genuen?

Oka erreka eta bere ibarbasoa. Berrekondo, Okaren ibaiadar nagusienetako bat. Lurraska baserri eskola. Mentzeta dorretxea. Estilotza errota. GR 38aren zati bat, ardoaren eta arrainaren ibilbidea eta Mendieta auzoa eta bere eliza.

Hona hemen atera genituen argazkietariko batzuk:

Talde osoaren argazkia. Denok agertzen zarete?

Mentzeta dorretxea. Mentzetararrak muxikarren ahaideak ziren, oinaztarrei estuki lotutako Bizkaiko leinu nagusienetako bat.

Gozo txakurra ere gurekin etorri zen.

Udazkenak mila kolore erakusten dizkigu.

Autorik ez, baina zalduna bai.

Elosun egin genuen geldialdia.

Ura edan, ...

..., zeozertxo jan, ...

..., jatekoa trukatu, ...

"No pasar" dio hor. Zergatik ote?

Denok ere aho betean, indarrak hartzen.

Ibilaldian, estimatu egiten dira honelako geldiuneak.

jan, edan, berba egin, "komunera joan"

Elosuko baserritarra ere kontu kontari, berbalagun.

Forutarrak, muxikarrak, errenteriarrak, Zornotzakoak, Bilbokoak, Omakoak, ...

Belendizekoak, ajangiztarrak, Gabikakoak, Lumokoak, gernikarrak, Santa Luziakoak, Nabarnizekoak, ...

Elosu atzean utzi eta Estilotzarantza.

Gogoratzen duzue baserri honen izena?

Orain aldatsan gora, Kalbariorantza.

Erdia baino gehiago eginda daukagu, eutsi gogor!

Zaldiak ere geuri begira.

Aupa neskak, nongoak zarete?

Ajangizetik Gernika eta Lumo dotore ikusten dira.

Pribilegiatu batzuek, atzetik joan ginenok "porno" txiki bat ikusteko aukera izan genuen. Hara goiko irudi horiek.

Kapritxora egin dute etxeko horma, bai horixe!

Eta biki hauek? zuek erratu egin zarete, jantzi hori Foruko martxakoa izan zen.

Ajangizeko Mendieta auzora heldu gara. Hemen bai ederto, herriko taberna, jezarlekua, eleiza, ...

Hara bermeotarrak ere, Benidormen ote daude?

eta gure eguraldi-gizonak zer moduz egin du ibilalditxoa? Badakigu Arrate irratikoek eguraldiaren berri emateko deitu dizutenean geure txangoaren berri eman diezuna; BERBALAGUNen propaganda ere egin duzuna.

Tabernako ateetan "ataskoa", gogoa ala beharrizana?

Hona hemen Onaindiatarrak ere.

Gurutze, zer moduz ibilaldia? Hurrengo hilean ere gurekin etortzeko prest?

"Torre" daukagu hor ordenak ematen, amaitu da atsedenaldia. Goazen!

Bermeotarrek hemen daukate euren autoa. Hurrengora arte.

Hauek tabernan geratu dira lasai eta orain trena galduta datoz. Gero!

Zeuok ere trena galduta zatozte? Zer moduz esperientzia Irene?

Loli, ikusten da gustura ibili zarena.

Oharra: azaroaren 19an izango da hurrengo irteera, apuntatu agendan.

mendi irteera urriaren 22an

2011-10-17T11:28:00.005+02:00

Martxan hasi gara gu

Ikasturtearen lehenengo irteera urriaren 22an egingo dugu. Gernika-Ajangiz-Gernika, 16 km izango dira. Goizeko 9:00etan udaletxe aurrean elkartuko gara.

Eman izena Udal Euskaltegian edo AEKn.

2011-2012 kanpainarako argazkiak

2011-10-07T13:17:00.028+02:00

"euskara atsegin dut" dio ikasturte honetako leloak. Gure argazkiekin eta Euskal Herriko hainbat herritan ateratakoekin egin dute bideoa. Hara, Gernika-Lumon atera genituen argazki batzuk:

Oharra: bideoa ikusteko klikatu blogeko aurreko sarreran.

2011-10-03T13:05:00.003+02:00

AEK-k, euskaltegietako matrikulazio kanpainarekin batera, mintzapraktika programetarako kanpaina berria jarri du abian Atsegin dut! lemapean. Horrenbestez, 11-12 ikasturtean mintzapraktika programa batean parte hartu nahi duten guztiek eman dezakete izena jada Euskal Herrian diren 90tik gorako egitasmoren batean. Mintzapraktika programetan edozeinek har dezake parte, berdin dio euskaldun zaharra, euskaltegiko ikasle ohia edo euskaltegiko ikaslea izan. Kanpaina honetan azpimarratu nahi dena zera da; euskara harreman sareak sortzeko tresna ere badela. "Atsegin dut!" esamoldea interneteko sare sozialekin lotzen dugu nahitaez. Baina sare sozial birtual hauetaz gain, euskara praktikatzea aurrez aurreko harreman sareak sortzeko era egoki bat izan daiteke. Benetako sare sozialak, alegia. Atsegin duzu?

Azken aldian denon ahotan dabiltza interneteko sare sozialak. Harreman sare birtual horien balioa eta beharra ez dugu guk zalantzan jarriko, guk ere erabiltzen ditugu, baina egitako sare sozialak, aurrez aurreko harreman sareak, atsegin badituzu eta gainera euskara praktikatuz eraiki nahi badituzu, ez duzu inon ezer klikatu behar; eman izena Euskal Herrian diren 90tik gorako egitasmoren batean.

Mintzapraktika programa euskaraz hitz egiteko ohitura duten pertsonak euskaraz hitz egiteko ohiturarik ez dutenekin elkartzean datza. Hori dela eta, Euskal Herriko lurralde guztietako hiri, herri eta auzoetan hainbat dira martxan dauden mintzapraktika programak. Egitasmoetako partaideek EHUko kredituak eskuratu ahal dituzte, bidaia eta egonaldietarako deskontuak, AIZU! eta berria merkeago, eta beste hainbat abantaila.

I.Mihiluze txapelketa Gernika-Lumon

2011-07-17T14:19:00.045+02:00

38 mihi luze elkarren arteko lehian, guztira 19 bikotek parte hartu zuten.

Telebista platorik ez; horren ordez, Elai-Alai aretoa. Baina probak telebistan egiten dituztenak: erantzuna emanda, eroglifikoak, tribuaren berbak, imintzioka, marrazkiak, esamesak, apustua... Eta bi bikote azken proban sari nagusiaren bila: zer da zer?

Gernika-Lumoko Josu Lamikizek eta Arratzuko Beñat Ramosek irabazi zuten txapelketa eta Ecuador bidaiak emanda, Lekeitioko Enperatriz Zita hotelean asteburu pasa joango dira, gastu guztiak ordainduta.

Kepa Urionabarrenetxearen eta Johana Olabarriaren aurka lehiatu ziren irabazleak, eskualdeko toponimoak herriak diren, lehen auzo eta orain herri diren edota beti auzo izan diren asmatzeko lanean. Zimela jatetxeak emandako bi otzara eder irabazi zituzten.

Hirugarren saria Ana Larruzeak eta Ainhoa Malaxetxebarriak hartu zuten. Euskadiko Biodibertsitate Zentroaren eskutik, zetazeoak ikustera joateko bidaia egingo du bikote horrek, itsasontzian.

Oharra: Oizmendi Telebistak egun hauetan emitituko du saioa hiru zatitan: uztailaren 18an, 19an eta 20an iluntzeko 8,30etan eta egun horietako errepikapena 19an, 20an eta 21ean eguerdiko ordu bietan.

Uztailaren 23an eta 24an ere emango dute saioa oso-osorik. Ordua zehazteko oraindik.

Ekainaren 18an ateratako argazki batzuk hemen:

Talde osoaren argazkia, opariak jaso eta gero.

Lehenengo proba, erantzuna emanda.

Bigarren proba, eroglifikoak.

Eroglifikoak

Erantzuna emanda.

Hau izan zen probarik zailena.

Parte-hartzaileek ere ondo pasatu zuten.

Lau bikote batera.

Erantzuna emanda eta eroglifikoak tartekatuta.

Bikote bakoitzaren puntuazioa ere denon bistan.

Imintzioaka.

Bikoteak ondo prestatuta etorri ziren.

Potokumeak atalean ere ederto baten aritu ziren.

Haizeak ere ia denak asmatu zituen.

Marrazkiak atala.

Batzuek Picassok baino marrazki hobeak egin zituzten.

Marrazkilari onak eta asmatzaile hobeak.

Ogoño marraztea ez zen izan erraza, ezta Idoia?

Ikus-entzuleek ere ederto baten pasatu zuten.

Esamesak atala oraingoan.

Denak adi.

Hau asmatu zenuten?

Zer ote da?

Buruz burukoa.

Lehen auzoa eta orain herria? ala beti izan da auzoa?

Irabazleak: Josu Lamikiz eta Beñat Ramos.

Bigarrenak: Kepa Urionabarrenetxea eta Johana Olabarria

Hirugarrenak: Ana Larruzea eta Ainhoa Malaxetxebarria.

Datozela saria ematera Ecuador Bidaiakekoak, Zimela jatetxekoak eta Madariaga Dorretxekoak.

Madariaga Dorretxearen izenean Kultura Zinegotzia den Naiara Urberuagak eman zuen saria.

Zimela Jatetxekoen izenean ere kultura zinegotziak eman zien saria bigarrenei.

Urdaibaiko produktuekin otzara eder bi. Iñigo txingak eramaten ibili zen otzarekin.

Sariak jasotzeko unean jendea hunkituta.

Kepa eta Johana emozioa kontrolatu ezinik.

Ecuador Bidaiakeko arduraduna: Bego Ordorika.

Lehenengo saria jaso zutenek ere poza izkutatu ezinik.

Saria jaso zutenek nahi dutenean joan daitezke Lekeitiora.

Eta parte-hartzaile guztiek kamiseta eta mhluze jokoa jaso zuten. Banaketa ere aurkezleek egin zuten, "esplotatu" egin genituen.

Hau bai desfilea!

Parte-hartzaile guztien argazkia.

Argazkian, aurkezleak eta sari emaleak falta dira!

Eta antolatzaileak ere ez dira argazkian agertzen. Hau despistea!

ADI!!!!: Datorren ikasturtean ere izango da, baina martxo aldera, II. Mihiluze txapelketa Gernika-Lumon.

Eskerrik asko, modu betera edo bestera, parte hartu duzuen guztioi.

"Euskal populazioaren leinu genetikoak"

2011-07-14T23:54:00.017+02:00

EHUko BIOMICs ikerketa taldeko Leire Palenciak "Euskal populazioaren leinu genetikoek bere iraganari buruz hitz egiten dute" abiapuntua hartuta, hitzaldia egin zigun Gernika-Lumoko kultur etxean elkartu ginen 25 lagunei. Bere taldeko Sergio Cardoso eta Marian M. de Pancorbo ere hitzaldian izan ziren bere laguntasuna eskaintzen Leireri.

Euskal populazioa gaur egun bizi den lurraldea, azken glaziazioan, nolakoa zen argitu eta Europako mendebaldearen okupazioan euskal populazioak izandako eraginaren gainean aritu zen.

Egungo azterlan genetikoek adierazten digute norainokoa izan zen eragin hori eta euskal populazioa Europako zaharrenetakoa dela frogatzen dute.

Gure jakin-nahia asetu ondoren, genetikari gure aportaziotxoa egiteko aukera izan genuen DNA laginak eman genituen-eta.

Hitzaldiaren une bat.

Idahon bizi diren Steve eta bere ama ere gurekin izan genituen.
Leire Palencia ikertzailea

Galderak egiten ere, ez gara atzean gelditzen.

Euskaldunak norantza zabaldu ziren?

ADN gaztelaniaz, baina euskaraz DNA omen da.

Euskarari ere genetikarentzat laginak hartzen.

DNA laginak hartzen eta ematen.

Bete behar izan genituen galdetegia osatzeko, batzuek komeriak izan genituen ez baikenituen zortzi abizenak gogoratzen.

Begi urdindunak euskaldunak ote dira? Bateren batek kezka hori du, ezta?

Euskal Populazioaren "Leinu Genetikoa"

2011-07-07T19:56:00.002+02:00

Euskal Populazioaren leinu genetikoaz ariko dira BIOMICSeko adituak. Euskal Herriko Unibertsitatearen (EHU) menpe dagoen erakundeko teknikariak izango dira Gernika-Lumon azalpenak ematen. Euskal populazioaren leinu genetikoek bere iraganari buruz hitz egin dute izango da hitzaldiaren ardatza eta, hortik abiatuta, gaur egun euskal populazioak hartzen duen lurralde hori azken glaziazioan nolakoa zen argitzen saiatuko dira adituak. Gainera, Europako mendebaldearen okupazioan euskal populazioak izan zuen eragina ere azalduko dute hitzaldian.

BIOMICS erakundeko Sergio Cardosok, Leire Palenciak eta Marian M. de Pardosok emango dute hitzaldia datorren eguenean, hilaren 14an. Gernika-Lumoko Kultur Etxean izango da, 19:00etan.

Entzuleen artean laginak hartzeko aprobetxatu gura dute BIOMICS erakundeko teknikariek, lagin horiek euren ikerlanagaz jarraitzeko baliagarriak izango direlako.

Arropa kustomizatu eta birziklatu

2011-07-04T10:49:00.018+02:00

Ikastaroan egin genituenak ikusgai jarri genituen kultur etxean, ekainaren 22tik 30era. Nagore Lartitegik irakatsi zigun arropa geure estilora egokitzen edo erabiltzen ez ditugunak birziklatzen. Ideia asko eman zizkigun.

Oizmendi telebistak egindako erreportajea ikusteko sartu vimeo oizmendi telebistan.

Erakusketarako batu genituen gauzak:

Hau izan zen geure mahaia.
Niki batekin buf-a; galtzerdiekin eta "pelota saltarinak"ekin lepokoa; zapatillak margotu,...

Buf berdea niki batekin egina; nikiari hiru-lau tela zati jarri eta itxura aldatu; zapatillak margotu, ...
Kamiseta honi hiru-lau tela zati eta botoiak jarri eta, hau aldaketa!

Kremailerekin hara zelako lora dotoreak egin genituen.

Batek bota gura ez dituen zapatillak margotu zituen, baina garbigailura be sartu beharko ditu ba ...

Lepokoa barik, honek "Roziora joateko" pultsera egin zuen.

Norberaren gustuen araberako lepokoak, ideiak, ideiak, ...

Tela zati batzuekin bururako lazuak; botoiekin eraztunak, ...

Niki batekin fularra; botoiak eta aingura josi tela zati baten eta paparrerako orratz dotorea lortuta, ...

Abarketak margotu; alkandoren mangak josi eta gona egin; nikiari San Blas kordoia eta tela zatiak jarri, ...

Larru zatiak konbinatu eta garrikoak egin, ...

Ideia batzuekin zenbat gauza dotore egin daitezkeen, ezta? Baloratu geuk egindakoa, egin hemen iruzkinen bat.

"Ezetz Jakin" lehiaketaren irabazlea

2011-06-30T18:57:00.005+02:00

Uxue Bilbaok irabazi du ekaineko "Ezetz Jakin" lehiaketa eta Zallo Barri jatetxekoen izenean Eneko Ordorikak eman dio lagun birentzako afarirako gonbidapen txartela.

Saria jasotzeko unean eurekin batera argazkian agertzen direnak honako hauek dira: AEK-ko Igone Olabarria, Aita Villasante Udal Euskaltegiko Joana Urrutia, Busturialdean Euskaraz Bizi Taldeko Igor Orue, Udaleko Euskara Teknikaria Bittor Zarrabeitia eta Berbalaguneko dinamizatzailea Pili Ibarra.

Oraingoan, 59 lagunek bete dute lehiaketa eta horietako bat Madriletik heldu zaigu, postaz.

Datorren ikasturtera arte ez dugu lehiaketarik egingo, baina azaroan berriro izango duzue saria irabazteko aukera.
Eskerrik asko parte hartu duzuen guztioi!!!!!!!!!!!!!!!!!!!!!!!!!!!!

Mendi irteera eta ardo dastaketa

2011-06-28T13:54:00.039+02:00

Ikasturteko azkeneko irteera egin genuen 25ean, Zugastieta-Ibarruri-Ajuria-Oka-Ariatza. Programatuta geneukan moduan 13:00etarako Ariatzan egon ginen 13 kmak eginda. Elkartu ginen 59 lagunok Urdaibai Patronatoak oparitutako txapel berdeak jaso genituen.

Ariatzako Atxelipe txokoan Ramon Bilbao ardoaren dastaketa egin genuen Igor Basterretxearekin, baina edateko jan egin behar denez gure sukaldari partikularrek makina bat pintxo prestatu ziguten.

Hona hemen Jon Mikelek ateratako argazki dotoreak:
Esturon atera genuen talde osoaren argazkia eta Iratxek prestatutako triptikoak banatu genituen.

Ibarruriko San Pedro baseliza, Bizkaiko landatar estilo gotikoko tenplu interesgarrienetakoa. Arku zorrotzeko etartea eta leiho bitxia dira ermitaren elementu deigarrienak.

Ibarruriko Andra Mari eliza, 1930. urtean eraikitakoa.

Eskualdean mantentzen den ferratokia. Garai batean auzo guztietan zeuden animaliei ferrak jartzeko erabiltzen ziren eraikuntza bitxi hauek.

Probatu barik ez gara geratuko, ezta "Torre"?

Mertzedariak etxe horretan egon ziren gaur egun Errenterian duten konbentura joan baino lehen.

Burdaria auzorantza goaz.

Aldats batzuk igo eta laster gaude goian.

Eguzkiak polito jotzen du, ezta?

Ttipi-ttapa, ttipi-ttapa, geratu barik gora.

Urkiolako errebuelten antza du honek be. Aupa Marije!

Uxue, Eneritz eta Mari Karmen sasoian daude.

Nekatuta, baina ixildu ezinik.

Makina bat euli-mando eduki zituen gure astotxuak. "astotxoak, gure astotxoak, astotxoak, arrantzarik ez, ..."

Auzokoa baserria, Auzokoa tabernako Edu eta Piliren txapelan Auzokoa jartzen du, hau bai kasualitatea.

Oiz mendia gure begien aurrean.

Zeintzuk dira mendi horiek, Durango mendiak?

Ajuriatik Okarantzako bidea, zoragarria!

"Txorien Bartoloa" azelgak zaintzen; ziazerbak esan beharko nuke?

Atxelipera heldu eta mahaia prest, lora eta guzti.

Gure sukaldari partikularrak jo eta su lanean.

Zer dago jateko? tortillak, piperrak, gazta, txistorra, ...

Mar de Frades albariñoak izotz gehitxoago behar du.

Denok Igor Basterretxearen azalpenei adi.

Botellak nola zabaldu? hori izan zen lehenengo azalpena, ...

Zeozergatik dute botellek aho ingurua zabalagoa, zergatik?

Ana Larrañaga enologoa be, beste guztion modura, Igorren azalpenei adi.

Behar duen tenperaturan dugu, itsasontzia agertu da-eta. Bestela ez omen da itsasontzia ikusten.

Albariñoa denon gustukoa izan zen.

Nolako termometroa erabiltzen duten erakutsi zigun Igorrek.

Amaieran Moisesek okasiorako egindako bertsoak abestu genituen. "..., ardo zaharra dastatuz, aittuen antzera, ..."

Batzuk mahaian eserita, beste batzuk sukalde ondoan eta besteren bat barra ondoan, baina denok kantuz. "..., Muxika, Gorozika eta Ibarruri, gaur egun hirurak bat, lehenau hiru uri. ..."

"Zugastieta, Esturo, Ibarruri gero; Burdariasen gora, eguzkia bero!!! ..."

"Udako solstizio madarikatua, laino bako eguna, a ze pekatua! ..."

..., Berbalagunekoek halan eskatuta. Baten bat egongo da ondo kezkatuta."

"Ramon Bilbaori eskertuz goxoa dago ta, ..."

"Gaur badaukagu nori "zorionak" opa. ..."

"... Jaso danok batera baso edo kopa, eta Ana Marigaz egin daigun topa! "

"Ana Marik hartu dauz, gure uste onak. Bere eguna da ta bihotzez emonak. Berandu heldu jakuz beste baten sonak, ez dakit nor dan baina Dabit zorionak"

"Kulo" eman genien Mar de Frades, Cruz de Alba eta Ramon Bilbao ardo zurien botellei. Eskerrik asko Ramon Bilbaori eta, batez ere, zuri Igor. Datorren urtean gehiago eta, ahal bada, hobeto.

Mendi irteera eta ardo dastaketa 25ean

2011-06-24T09:44:00.005+02:00

Zapatuan, 25ean, ikasturteko azken mendi irteera egingo dugu. Trenez joango gara Zugastietaraino eta han hasiko dugu gure 13 kmko ibilbidea. Ostean, ordu bata aldera, Ariatzako Atxelipe txokoan Ramon Bilbao ardoen gaineko azalpenak emango dizkigu Igor Basterretxeak.

Parte hartu gura duenak eman dezala izena AEKn edo Udal Euskaltegian.

Gure eguraldi-gizona oporretan daukagu, baina badakigu eguraldi zoragarria egingo duela. Beraz, ez geratu etxean. Erdu gurekin eta astindu mingaina!

Mendi irteera 25ean eta Euskal Erromeria 24an

2011-06-20T09:36:00.004+02:00

Hemen ekainaren 24an eta 25ean egingo ditugunak:

24an "Euskal Erromeria" San
Juan Ibarran, 7,30etan.
25ean Mendi irteera Zugastietan
hasi eta Ibarruriko Burdariasetik Ariatzaraino, 13 km.

Ostean,Ramon Bilbaoren ardo dastaketa Atxelipe txokoan.

Erdu gurekin!

I. Mihiluze txapelketa Gernika-Lumon

2011-06-14T10:08:00.004+02:00

Ekainaren 18an izango da I. Mihiluze txapelketa Gernika-Lumon. 16 urtetik gorakoek hartu ahal izango dute parte. Elai-Alai aretoan egingo da goizeko 11:00etan hasita.

Mihiluze jokoa eta galderak prestatzeko Gernika-Lumora eta Busturialdera egokitzen saiatuko gara, bertoko berbak erabiliz, gure altxorrak hartuz eta jolaserako baliatuko ditugu. Telebistan egiten dituzten probetatik ia denak sartuko ditugu fase desberdinetan.

Mihiluze telebista saioa egiten dutenen onespena dugu eta saioaren beraren elementuak erabiltzeko baimena ere.

Lehenengo hiru bikoteentzat sari onak izango dira, baina bikote guztiek eramango dute saria etxera, kamisetak eta Mihiluze jokoa.

Txapelketaren aurkezpena egin genuen maiatzaren 30ean.

Bikote parte-hartzaileek erabiliko dituzten atriletan egin genuen aurkezpena.

Sariak ikusgai ditugu Bikaña altzari dendan. Lehenengo saria Zita Emperatrizen asteburu bat Ekuador Bidaiak oparituta. Bigarren saria Urdaibaiko produktuekin otzara bi Zimela jatetxeak oparituta. Hirugarren saria Zetazeoak ikusteko ibilaldia itsasontziz Madariaga Dorretxeak, Biodibertsitate Zentroak oparituta.

Bernardo Atxagarekin solasaldia

2011-06-11T22:26:00.013+02:00

Bernardo Atxaga entzuteko gogoz hurbildu zen jendea kultur etxeko erakusketa aretora, hirurogei lagunetik gora. Idazleak jaso zuen galdera zaparrada entzunda, agerian geratu zen ikasturte honetarako irakurtzeko proposatu genuen "Zazpi Etxe Frantzian" liburua, gehienok behintzat, irakurri duguna.

Ikus-entzuleen esanetan ohorea eta luxua izan zen guretzat halako maila duen idazlea gure artean izatea. Hurbil-hurbil sentitu genuen. Erraz eta argi azaltzen daki kontatu nahi duena, etorri handiko gizona.

Denon jakin-nahiak asetu ondoren, liburuak sinatzeko tartetxo bat izan genuen eta bere berbek gure barruan ez ezik esku artean ere bere autografoa eraman ahal izan genuen etxera.

liburuak sinatzen

Oharra: Hurrengo ikasturtean, irakurtzeko libururen bat edo idazleren bat proposatu gura baduzue proposatu eta gehienon gustuko idazlea aukeratuko dugu.

Asteburuko eguraldia asmatu nahian

2011-06-10T11:14:00.003+02:00

Zelan gabiltza berbalagunok? zelan joan da astea?

Aurreko zapatuan Mintza Eguna ospatu genuen Elizondon. Egun pasa ederra egin genuena Nafarroa aldean. Gernikatik 29 lagun joan ginen. Makina bat barre eta dantza egin genuen, giro ezin hobean. Antolatzaileek lana oso ondo egin zuten eta harrera oso ona egin ziguten Euskal Herri guztitik etorri ginen berbalagun guztioi.

Eguraldi aldetik, oso aro ona egin zigun, uste baino hobea. Uste dut parkatuko didazuela izandako hutsa, baina den dena asmatuz gero, eguraldiak daukan xarma, galdu egingo luke.

Oso ondo pasa genuen eta gonbitea bidaliko nuke inoiz etorri ez direnentzat, datorren urtean etorri, giro ona bermatuta daukazue-eta.

Gu gure aldetik eguraldi kontuekin jarraituko dugu.

Gaur barikua, eguraldi goibelarekin esnatu zaigu eguna, zirimiri edo langar apur batekin. Tenperaturak 15 graduren bueltan ditugu goiz honetan, zeru estaliarekin. Inguruko mendiak 500 metrotik gora edo lainopean daude(Oiz, Iluntzar...) eta ezin ditugu ikusi. Badirudi arratsalderako atertzen joango dela, gure eskualdean aterri eutsiz gehienbat, baliteke goietan zer edo zer botatzea baina ezer gutxi. Kostaldetik ostarte txikiren bat edo beste ikus genezake, sarritan gertatzen den fenomenoa baita, fronteak alde egiterakoan lainoak kateatuta geratu mendi inguruetan eta kostaldean argiagoa geratu. Busturialdean herri batetik bestera alde handia dago adibidez, Mendatako Urrutxua auzunean ilunago egon daiteke eta Bermeon, ostera, askoz be argiago.

Bihar zapatua, eguraldi goxoa izango dugu. Goizean goiz behe laino eta erreka laino batzuk egon daitezke beheko ibarretan (Muxika, Forua, etab), baina gero eguerdirako ostarte politak zabalduko dira. Eguzki ordu asko izango ditugu, tenperaturak 22 -23 gradu bitartean, eguneko epelenak. Hondartzako sasoia zabaldu denez, egongo da bai jendea gure kostaldean. Bertan itsas haizea ibiliko da eta giro ona izango da bai. Uraren tenperatura 18 graduren bueltan dabil, eta pixka bat kostatuko zaigu uretara sartzea. Oro har, egun sanoa biharkoa eta aprobetxetako modukoa.

Etzi domeka, hego ikutuko haize suabea ibiko da eta tenperaturei gorakada bat emago die. Eguneko altuenak 28 -29 graduren bueltan ibiliko dira barrualdeko bailaretan(Durangaldea, Arratialdea...), baina kostaldean ez da horrenbeste igarriko gorakada, bertan itsaz haize leuna ibiliko baita. 23-24 graduren bueltan utziz tenperaturak. Goizean zeru oskarbiak izango ditugu eta eguzkia jaun eta jabe. Arratsaldean barrualdean egon den beroak, bero lainoak garatuko ditu mendi inguruetan eta baliteke trumoiak jotzea barrualdean, zaparradaren bat edo beste botaz inguru haietan, gurean ez dt pentsatzen ezer botako duenik.

Asteburu on baten aurrean gaude eta aprobetxa dezagun. Aupa berbalagunok eta eutsi euskarari!

Ekaineko "Ezetz Jakin" lehiaketa

2011-06-10T00:00:00.005+02:00

Hemen duzue ekaineko "Ezetz Jakin" lehiaketa, ikasturteko azken lehiaketa. Gernika-Lumoko hainbat gunetan eskura dezakezue edo bestela inprimatu hau, bete eta ekainaren 25erako sartu kultur etxean dugun buzoian. Zallo Barri jatetxean lagun birentzako afaria irabaz dezakezue.

B. Atxagaren "Zazpi Etxe Frantzian"

2011-06-09T09:39:00.002+02:00

Hemen duzue ekainaren 9an Bernardo Atxagarekin izango dugun solasaldirako gonbidapen txartela. Inprimatu eta aurkeztu ekitaldi egunean. Gura baduzue eraman liburua egileak sina dezan.

Mintza Eguna Elizondon

2011-06-08T13:49:00.035+02:00

Aurton 29 lagun joan gara Gernika-Lumotik Mintza Egunera, egun horretan ezin dugu hutsik egin. Urtero-urtero erromes joaten gara Euskal Herriko beste Berbalagunkideekin egotera eta eguna ospatzera.

Elizondokoek harrera itzela egin ziguten, hamaiketako ederra, gida ezin hobea, bazkari zoragarria eta aparteko erromeria prestatu zuten. Eskerrik asko Elizondo.

Urdaibaiko "labeldun produktuak" hemen. Muniategik Uribe Kostara alde egin zuen, baina Mintza Egunean eskualde-mina edo izaten du eta beti etortzen zaigu. Gurekin joandako batzuk falta dira argazkian, non ote daude?
Heldu bezain laster markatu gintuzten, pegatinak paparrean jarri eta egunari hasiera eman genion.

Arratek ere, Uribe Kostan bizi arren, Urdaibaien ditu bere sustraiak.

Gure gidariak herriari buruzko aparteko azalpenak eman zizkigun. "Hemen frontoia eta Merkatuko plaza dugu. XX. mendearen hasieran herriko frontoiak eta baita merkatuko plaza ere, baztandar guztiak elkartzeko puntuak ziren. Frontoiekin batera hemen erreboteko plaza dago, Laxoan jokatzeko lekua".

"Arkupeak. XX. mendearen hasieran hemen zegoen Baztango merkatua. Baztango herri guztietatik etortzen ziren nekazariak eta abeltzainak beren produktuak saltzera. Gehienak oinez etortzen ziren herri ezberdinetatik, eta meza entzun ondoren arkupeetan jartzen ziren salmenta egiteko".

" Herriko plaza eta Baztango udaletxea. Baztango batzar orokorretan, baztandar guztiek parte hartzen zuten eta Elbete eta Elizondo artean zegoen zubi batean egiten zen. Gaur egun ezagutzen dugun udaletxea XVII. mendean eraiki zen".

Bertsolariek ere ondo baino hobeto bete zuten euren lana. Txaloak eurei!

Neska kuadrilla horrek ere ekainaren 4a aukeratu zuen despedida egiteko. Ezkongaiaren adarren gaineko bertsoak ere ederto borobildu zituzten bertsolariek.

Hona hemen AEKren euskaltegia, Suinki da bere izena. Bizkaieraz badakigu zer den suinkia, alabaren nobioa gurasoentzat. Zer esan nahi ote du izen horrek Baztanen?

Amelingo Txirularia bezala aritu ziren gure musikariak, eurek musika jo eta gu euren atzetik herrian zehar.

Hara zelako uz-jauzia herriaren erdian, paraje zoragarria.

Urdaibai, bai, bai! Ez egin salto errekara gero! Maite enteratu zinen nongoa den zure ondoan dagoena? Donostiakoa, ezta? Baina Gernika inguruko kontuak majo dakizki.

"Txokoto auzoa eta Baztango etnografia museoa. Txokoto auzoa Elizondoko nekazarien auzoa zen orain dela gutxi arte. Etxe mota hau handia baina baita funtzionala ere bazen, beren ikuiluarekin, bizilekuarekin eta sabaiarekin edo biltegiarekin".

Javier Ziga artistaren margo bilduma museo honetan jarri dute, Ziga Fundazioak Baztango Udalari eman zion bilduma.

Mintza Bermuta izan genuen. Zenbat edan zenuten?

Aterkia, ligatzeko teknika berria ote da ba? Solomoa eta piperrak aurrean dituzue, ez duzue jan behar ala?

Joseba Andoni gure eguraldi gizonak aterkia eramateko esan zigula uste genuen, baina guk txarto ulertu genion guardasola eramateko esan omen zigun. Aparteko eguraldia egin zuen.

Jon Mikel Goiko omenaldia jasotzen.

Pina, hitz politak eta txalo zaparrada jaso zuen Jon Mikelek. Gora Goiko!

Makinatxu bat argazki atera genizkion geure herriko omenduari.

Batzuek esku-lanak ere egin zituzten, ezta?

Aitor triste egon zen ez ziotelako omenaldirik egin, baina Sonia konturatu zen eta lora ederra oparitu zion. Gora Aitor!

Bilboko beste mutil honek ere loratxoa jaso zuen. Gora zeu ere!

Erromeria ezin falta gaurkolako egun baten.

Ok! Ea mutil, "hankie gora, ointxuek eta, saltoa eta bueltie" Zelan ez dakizula dantzan? ekin, ekin.

Joseba, hori da hori dantzan egitea! eguraldia iragartzea baino zailagoa dela? bai zera!

Elizondoraino joan behar horrelako esne-makina ikusteko!

Elizondon ez ginen gogoratu, baina bidean konturatu ginen gure omenduarekin ez genuela argazkirik atera. Autobusa Iurretan geratu eta Durango mendiak atzean ditugula argazkia atera genuen.

Ea Jon Mikel, erakutsi pina ba.

Datorren urtean gu barriro joango gara Mintza Egunera. Beraz, aurton Sakira ikustera joan zaretenok edo eguna ahaztu zaizuenok edo enteratu ez zaretenok adi egon etorri gura baduzue.

Bernardo Atxagaren "Zazpi Etxe Frantzian"

2011-06-05T11:58:00.007+02:00

Ikasturte bakoitzean liburu bat aukeratzen dugu irakurtzeko. Aurtongoa B. Atxagaren "Zazpi Etxe Frantzian" da. Badakigu gehienok irakurri duzuena, baina oraindik irakurri gabe duzuenok espabilatu ostegunera arte duzue epea, B. Atxaga ekainaren 9an etorriko zaigulako horren gaineko azalpenak eta iruzkinak egitera.

Solasaldira joan gura duzuenok hemen duzue gonbidapena. Inprimatu eta sarreran erakutsi. Idazleak sinatzea gura baduzue, ekarri liburua kultur etxera.

"Ezetz Jakin" lehiaketaren saria

2011-06-03T18:12:00.004+02:00

Guztira 70 lagunek erantzun dituzte maiatzeko "Ezetz Jakin" lehiaketaren galderak. Emilio Martin izan da, zuzen erantzun dutenen artean, bi lagunentzako otordua irabazi duena. Omago Txiki jatetxeko Felipe Omagojeaskoak eman zion atzo saria.

Gauza bitxia ere izan dugu oraingoan, postaz jaso dugu Vallecasetik (Madril) bidalitako "Ezetz Jakin" lehiaketa beteta. Eskerrik asko Gerardo. Laster jarriko dugu blogean ekainekoa eta ea oraingoan ere parte hartzen duzun.

Astebururako eguraldia

2011-06-02T18:20:00.004+02:00

Kaixo berbalagunok! asteburu berezia berbalagun taldeetan gabiltzanontzat. Zapatuan Euskal Herriko berbalagun talde guztiak batuko gara Elizondon. Mihia astintzeko leku aproposa eta Euskal Herrian barrena gure modura dabiltzan lagunekin harremana egin eta ezagutzeko aukera aparta.

Zer moduz joango zaigu asteburuan eguraldia?

Ostirala, bezperan bezala motel antzera joatekotan da (HERTZAINAK taldearen abestiak dioen modura). Zeru lainotsuak eta aterri antzean joango da eguna. Tenperaturak 20 graduren marra gainditu ezinik bailaran (Gernika, Busturi , Bermeo...) haizeak ipar ikutua izango du aurreko egunetan izan dugun antzera, agian ahulago. Baliteke tantaren bat izatea iluntze aldera baina okertze handi barik, ganora handi gabeko eguna oro har barikukoa.

Zapatua (Mintza Eguna Elizondon) Pirinio inguruan dagoen zurrunbiloak desegonkortu egingo du aroa. Goi geruzatan aire hotza bidaltzekotan da gure parera eta horrek ekaitz batzuk ekar ditzake. Ez dirudi ekaitz gogorrak izango direnik, baina tarteka zaparradaren bat edo beste botako du. Elizondon gure eskualdean baino arrisku handiagoa dago, zurrunbilotik gertuago dagoelako. Aterkia eraman beharko dugu Elizondora, tenperaturak bezperan bezalakoak izango dira, 20 bat gradu ingurukoa.

Igandean, aro desegonkor honekin jarraituko dugu; eguna lainotsu esnatuko zaigu, euri tanta batzuekin, baina gauza handirik ez da izango. Eguerdi partera ekaineko eguzki tentea dela-eta ostarte batzuk izan genitzake, baina berriro iluntze aldera estali egingo du eta zaparradaren bat edo beste izan daiteke. Tenperaturak antzera xamar, agian pixka bat gorago.

Ekainaren 1ean hilberri izan da eta ekaina ipar haizearekin hasi zaigu. Baliteke ipar haize honek, aspaldiko partez, egun batzuk egitea geurean, aurten askorik ez dugu ikusi eta horrek gurean lainoteri eta euri pixka bat ekartzen du normalean. Ekaina, ipar haizearekin joango ote dan?

Ez dakigu, baina adi egon beharko dugu ilargiak eragina handia dauka naturan eta Euskal Herrian betidanik kontuan hartu dugun elementua delako.

Aupa Berbalagunok, larunbatean makina bat dantza eta berba egin behar dugu, gorputza eta mihia astinduz.

I. Mihiluze Txapelketa Gernika-Lumon

2011-05-24T12:03:00.012+02:00

EKAINAREN 18an 11:00etan hasita Elai-Alai aretoan

Aurkezleak: Onintza Enbeita eta Iñigo Alberdi

Partaideak: 16 urtetik gorako bikoteak

Apuntatzeko: fitxa bete eta Kultur Etxean entregatu

Apuntatzeko epemuga: Ekainaren 10era arte

Informazio gehiago: 647 814 965

SARIAK

1. bikotearentzat: Zita Enperatrizen asteburu osoa (EKUADOR BIDAIAK)

2. bikotearentzat: Otzara erraldoia Urdaibaiko produktuekin (ZIMELA JATETXEA)

3. bikotearentzat: Itsasontzian ibilbidea zetazeoak begiztatzeko (EUSKADIKO BIODIBERTSITATE ZENTROA)

*Partaide guztientzat MIHILUZE MAHAI JOKOA eta txapelketako kamisetak opari.

DESKARGATU FITXA HEMEN

Gernika-Lumotik Ibarrangelura, irteera

2011-05-24T09:53:00.024+02:00

Maiatzaren 21ean Gernika-Kortezubi-Arteaga-Kanala-Tremoia-Ibarrangelu egin genuen, guztira 15 km. Goizeko 9:00etan kultur etxearen aurrean elkartu ginen irteerara apuntatu ginen 70 lagunok. Taldea hazten hazten daukagu, gero eta jendetsuagoak dira gure martxak. Antza lar ondo esaten diegu etortzen direnei, propaganda ona egiten digute-eta. "Txiki" Elgezabalek paraje zoragarriak ikustera eramaten gaitu, zein baino zein politagoak dira gure irteerak.

Gozatu Jon Mikelek atera zituen argazkiak ikusita:

Taldearen argazkia Tremoian atera genuen.

Irten baino lehen, koordinatzaileak egunerako Iratxek prestatutako triptikoak eta Urdaibaiko mapak banatu eta gero ekaineko ekitaldien barri eman zigun.

Erreka hegaletik zehar Kortezubirantza.
Paraje ikusgarriak geureak!
Gernikatik Arteagaraino konpontzen ari dira bidea, itzel geratuko da.

Kortezubira heltzen gaude.

Batzuk paseoan, beste batzuk jorran; piper-jorran ala arto-jorran?

Arteagan gaude.

Urdaibai Bird Center, txorien behatokia.

Arteagako Gaztelua 1860. urtean eraiki zuten Bizkaiko leinu garrantzitsuenetarikoa izan zen arteagatarren dorretxe zaharraren aztarnen gainean.

Gure argazkilaria fin ibili zen. Zer da? onddoa?

Muruetako telleria bistan.

Sugeak bezala mugitu ginen, burua aurrean eta buztana atzean.

Ozolloerrota, marea errota. 1683. urtean eraiki zuten. Itsasgorez eta itsasbeherez baliatzen zen errotarria martxan jartzeko.

Sasoia izan ez arren, anguleruak prest.

San Lorentzo XVI. mendean eraiki zuten gaur egunera arte heldu den ermita. Leiho bitxia du, X. mendekoa.

San Lorentzo ondoan kopautxua egiten.

Bitxiak dira Ozolloerrotako errotarriak, hareharrizko bloke baten landutakoak baitira.

Berde zoragarria Euskal Herrikoa.

Muserako bat falta duzue. Gaur "Torre" ez zaigu etorri eta.

Urdaibai, urdeen ibai. Ugariak izango ziren iraganean ere, toponimiak hala diosku behintzat.

Artadi kantauriarrean emakumeak nagusi.

Baso beti berde honetan artea da nagusi eta berarekin batera hainbat zuhaitz, zuhaixka eta belarkara agertzen dira, hala nola, gurbitza, ereinotza, txorbeltza edo elorri zuria.

Baso itxi honetan, hainbat animaliak aurkitzen dute babesleku egokia, besteak beste, orkatzek, basurdeek edo azkonarrek.

Bizitzan bezala basoan ere, beti bidegurutzeren baten aurrean nora jo aukeratu behar.

Ibarrangeluko Apraiz auzoa begien aurrean.

Apraiz auzoan behera goaz.

Lortu dugu helmuga! Ibarrangelun gaude.

Mungiatik ere etorri zitzaigun jendea, ongi etorri geurera!

Gu mendira joaten gara, baina garraio publikoari ere geure partetxoa ematen diogu. Hara denok autobusez Gernikara.

Berba, berba, berba, Berbalagun!

Bigarren proseziñoa Gernikan zehar. Gora gu eta gutarrak!!!!!!!!!!!!

Oharra: Hurrengo irteera ekainaren 25ean, Muxikarantz. Ostean Atxelipe txokoan ardo dastaketa. Ikasturteko azken irteera izango da. Agendan apuntatu.

Eguraldia lagun, mendi irteera

2011-05-20T10:51:00.007+02:00

Zelan doa astea berbalagunok? Lan askorik egin duzue? Gozatu al duzue astean zehar eginiko eguraldiarekin?

Bikaina doa aste honetako aroa, ezin gara kexatu aurtengo udaberri eguzkitsu eta goxo honekin, egia esateko ezin gara 2011 urte honekin kexatu, eguraldi kontuekin behintzat. Negua epel eta zeru oskarbiekin joan zitzaigun, azken 30 urtetan jasotako datuen bataz bestekoa baino 3-4 gradu altuagoekin. Udaberria ere paretsu, zeru oskarbiekin izan ditugun egunen kopurua handia izan da, aspaldiko handiena izan daiteke. Guk gozatu ederra hartzen dugu bai eta gustura hartu ere, galdetzerik baino ez dago jendeartean, baina urte hasiera honek atzetik zerbait ekarriko ote du? Udan damutu beharra edukiko ote dugu? guk gozatu egingo dugu dagoenarekin eta gero gerokoak, "dagoenean bonbon, ez dagoenean egon"

Nondik nora joango dira asteburu berezi honetako eguraldi kontuak?

Gaur ostirala, eguraldi motelarekin esnatu zaigu eguna, sargori puntuarekin, zeru lainotsuak ditugu ostarte txikiren bat edo beste ikusi arren. Tenperaura epelak ditugu 19-20 graduren bueltan eta hezedura nahiko goitik dabil. Eguerdi alderako badirudi argi uneda gehiago zabaldu daitezkeela, eguzkiak lan apur bat egingo dugu. Arratsalderako, aste guztian izan dugun modura, hego aldetik bero lainoak sortzen joango dira, Oiz mendiaren inguruan eta Durangaldeko mendietan laino mokorrak ikusiko ditugu (cumulo nimbusak), agian zaparredaren bat edo beste botaz inguru haietan. Kostaldera ez dirudi laino horiek iritsiko direnik, gurean itsasoko haizearen eragina izango dugu, laino horiek kostaldera hurreratzea eragotziz. Trumoi lainoak kapritxosoak dira eta adi egon beharko dugu baina ez dut uste gurera helduko direnik.

Zapatuan Gernikako lagunkideok mendi irteera daukagu, Gernikatik Ibarrangelura. Goiza polita izango dugu, ostarte zabalekin eta eguzkia lagun. Tenperaturak gaurko antzerakoak izango dira 19 -20 graduren inguruan, eguerdian 24-25 gradu ingurura igoz. Eguraldi aparta izango dugu eta ez da egongo aitzakiarik bihar mendi buelta egiteko. Arratsaldean gaurko modura laino multzoak sortzeko arriskua dago mendi inguruetan eta baliteke danbarradaren bat edo beste entzutea, baina biharkoan ere ez dago euritarako arrisku handirik. Eguraldi goxoa eta atsegina.

Igandea edo Domeka, hauteskunde eguna, alderdietako buru asko eguraldi iragarpenaren zain egongo dira bai. Goiza makal xamar joango ote den dirudi. Ipar mendebaleko haizeak frente ahul bat ekartzekotan da domeka goizerako. Langar eta lanbro kontuak izango dira, zeru lainotsuekin inguruko mendiak behe lainoekin estalita geratuko dira. Tenperatura bezperan baino freskoagoak izango dira, 20 graduren marra gainditu ezinik. Arratsalderako langar kontu hauek atertzekotan dira, gainera ostarte batzuk zabal daitezke kostaldetik. Bi zati edukiko ditu egunak, goiza makalagoa, arratsaldea hobea. Datorren asteko hasiera, berriro ere, eguraldia lagun izango dugula dirudi.

Bihar denok mendira, eguraldia lagun izango dugu-eta!!!!!!!!

Mendi irteera maiatzaren 21ean

2011-05-17T01:02:00.003+02:00

Gernika-Kortezubi-Arteaga-Kanala-Tremoi-Ibarrangelu egingo dugu oraingoan, guztira 15km izango dira. Goizeko 9:00etan kultur etxearen aurrean elkartuko gara. Itzulera lineako autobusean.

Beti bezala "Txiki" izango dugu gidari. Bazatoz? Eman izena lehenbailehen AEKn edo Aita Villasante Udal Euskaltegian.

Asteburuan nolako eguraldia?

2011-05-14T18:57:00.003+02:00

Oraingoan larunbaterako eta iganderako baino ez dugu iragarriko.

Zapatuan goiz-goizetik zerua lainotsua eta estalia izango dugu. Egun bisuts xamarra izango da, euri xirimiria bizi samar goizean. Goiz partean euri arriskua izango dugu eta eguerdi aldera, baliteke ordu batzuetan ateri antzean joatea, baina arriskua ezin baztertu ba. Tenperaturen beherakada nabaria igarriko dugu eta eguneko tenperatura altuenak ez du 20 gradutako muga gaindituko. Goietan freskoago geratuko da (Nabarniz, Mendata, Ereño, ...), 18 gradu inguruan.

Domekan egun handia baserri giroko tokietan, maiatzaren 15a Isidro Deunaren eguna. Makina bat ospakizun eta ekitaldi izango dira gure inguruko herrietan (Ajangiz, Murueta, Nabarniz, Muxika, ...) Zeruari eta eguraldiari begira egongo dira toki askotan. Badirudi eguraldiak egonkortzeko joera hartuko duela, bezperan baino euri gutxiago egingo du, baina arriskua guztiz baztertu barik.

Goizeko lehen orduan zipriztin bat edo lanbro apurren bat egiten badu, ez gaitezen harritu. Ez dirudi askorik botako duenik eta eguerdiaren ordu gehienetan aterri eutsiko dio. Tenperaturak freskotik joango dira eta jertse edo sudaderaren premia izan genezake. Haizea ipar-mendebaldetik ibiliko da fin xamar eta 17 gradutik gora tenperaturek ez dutela igoko ematen du.

Asteburu fresko xamar baten aurrean gaudela dirudi, eta hondartza kontuak beste baterako utziko ditugulakoan nago. Ez gaitezen atsekabetu eta goza dezagun dagoenarekin; gauza guztiek bere xarma dute, ez dago eguraldi txarrik, norberak bilatu behar du gauza guztien sekretua.

Gernika-Bermeo 2011-04-30ean

2011-05-07T23:38:00.030+02:00

Gernika-Lumo-Altamira-Katillotxu-Demiku-Bermeo egin genuen apirilaren 30ean, 16km. Eguraldi aldetik ez genuen inongo aitzakirik eduki, egun zoragarria egin zuelako goizean. 62 lagun batu ginen "Txiki" geure gidariaren esanetara. Ibilaldia, une batzuetan, beste irteera batzuetan baino gogortsuagoa izan zen, Katillotxura igoteko aldats ederra izan genuen. Batzuk mihia kanpoan genuela heldu ginen, baina pozik igo genuen-eta.

Hainbat argazkilari izan genuen oraingoan, hona hemen Pedro Marik eta Soniak ateratako argazkiak; Jon Mikelenak oraindik ez dira heldu:

Talde osoaren argazkia Busturiko Altamira auzoan atera genuen. 62 lagun eta "Txomin" txakurra.

Foruko San Kristobalen, Urdaibai Dorretxearen parean ateratako argazkia.

Kontu kontari, oraindik fresko-fresko goaz, gero izango dira kontuak.

Euskal Herri berdea geurea!

Usain ederra honen parean, ezta? "Txomin" txakurra estu ibili zen hemengo txakurrekin.

Hau ere paraje ikusgarria! Baserri hau ere, bateren batek erosiko luke ba!

Zaldunak ere topatu genituen.

Busturiko San Bartolome auzoan berreskuratutako mahats-parrak bistan. Nortzuk bizi dira paraje horretan? Fernandoren familia, Kepa Junkera, Jesus Mari Lazkanoren estudioa, ...

Bidearen arabera, batzuetan, banan-banan joan behar izan genuen.

Urkiolako errebueltak baino zarratuagoak izan ziren batzuk.

Batzuek erraz igoten dute gero! entrenamendu ederra egiten dute antza.

Argazki hau hemen tokatzen da ala Demiku auzokoa da "Txiki"?

Atsedenalditxoa egin genuen atzerago zetozenekin batera igotzeko. Denok izerdi patsetan!

Oztopoak ere gainditu beharra zegoen, erramadaren gainetik pasatu behar izan genuen.

Azken espriña egin eta Katillotxu tontorrean. Behiek ongi etorria egin ziguten.

Paraje zoragarria Katillotxutik! Laidako hondartza eta Antzora aurrean.

Behiak ere inguruaz gozatzen. Hauen haragia ona baino hobea izango da.

Katillotxuko mendilerroan zehar badira trikuharria izenez ezagutzen diren antzinako hilobiak.

Neolitiko garaikoak dira trikuharri horiek, duela 5.000 urte ingurukoak. Guztira 5 dira 1989az geroztik mendilerro horietan aurkitutakoak.

Gu ere bagatoz! Bai, trikuharri horietako bi Katillotxuren gailurrean aurkitutakoak dira.

Kostata, baina heldu gara; orain bai ederto, ura edan, ingurua lasai ikusi, eseri, ...

Demiku auzoa aurrean, udaletxez Bermeo omen da eta eleizaz Mundaka.

Denok ere, aldats beheran errazago. Kuku-praka nahikoa ikusi genuen honen inguruan, ala ez dira Kuku-prakak Jose Luis?

Bermeo aurrean, heldu gara!

Ordu biak laurden gutxiagotan, gehienok, trenez etxerantza. "Golfoenak" Bermeon geratu ziren, nortzuk?

Astebururako eguraldia

2011-05-06T11:38:00.005+02:00

Bueltan etorri gara oporretatik, eta hementxe gara gure asteroko zitarekin. Zelan joan dira zuen oporrak? eguraldiarekin ezin kexatu? KORRIKA ere pasatu zan gure eskualdetik. Arin -aringarik egin zenuten? Jendetza hurbildu zen eta parte hartze galanta izan zen. Busturialdea betiko moduan fin eta KORRIKArekin bat.

Utz ditzagun Aste Santuko kontuak eta ekin diezaiogun eguraldi kontuari. Aste hau nahiko aldakor joan zaigu , udaberriko giro peto - petoarekin. Goizak nahiko argi joan zaizkigu, baina arratsaldeetan trumoiek errementatzen izan dute zaparredaren bat edo beste utziaz. Gure eskualdean bota du euririk gehien, 40 bat litro bataz beste; ez da gure ingurumaria ekaitzetarako lekurik aproposena, baina aspaldi honetan erraz ari dira inguratzen lainotzarrok.

Gaur ostirala, hego haize edo herriko haizearekin esnatu gara, bizi xamar une batzuetan. Tenperaturak epeletik dabiltza 22- 23 bitartean. Goi lainoek estaltzen dute zerua eta eguzkia begi bistan izan arren, motel dago. Arratsalderako, baliteke goi laino horiek garatzen joatea eta danbarradaren bat edo beste entzutea. Ez dirudi ekaitz beldurgarririk izango dugunik baina beti adi egon behar; ekaitzak nahiko sakabanatuak izango dira eta alde handia egon daiteke leku batetik bestera km gutxiren barruan. Adibidez, Mendatan zaparrada bota eta hemen Gernikan tanta solteren bat baino ez. Ekaitzen kapritxoak.

Bihar zapatua, aroak gehiago desegonkortzeko joera hartuko du. Fisterre ipar aldean dagoen zurrunbilo sakonak, frente bat bidaltzekotan da aire hotza sartuaz goi geruzetan, orduan goizean goizetik laino gehiago eta zaparradaren bat edo beste bota dezake. Arratsalderako zaparradak ugari daitezke trumoi eta tximistekin. Ez da egun euritsua izango baina aterkia aldean eraman beharko dugu. Tenperaturek behera apur bat egin ditzake baina ez da nabarmena izango.
Larunbat aldakorra hitz batean laburtzeko.

Igandea, Bizkargin egun handia. Makina bat lagun izango da eguna pasatzera jai giroan. Eguraldia lagun izango dugu, ostarte politak izango dira egun guztian zehar eta ekaitz arriskua baztertu beharko dugu. Gure parean jarriko dan antizikloitxo batek babesa emango digu, egun lasai eta goxoa emanaz.
Aurten Bizkargira ez joateko ez daukazue aitzakirik, eguraldi aldetik behintzat. Hartu hartu beharrekoa eta denok mendian gora ttipi - ttapa. Kirola eta jai giro euskalduna Bizkargin. Igandean danok Bizkargira!

Maiatzaren hasiera honetan, a ze kolore festa daukagun gure baso eta zelaietan. Zelai berde berdeak, musker kolorea pil-pilean. Udaberriaren bihotz - bihotzean gaude gure animoak eta arimak berpiztuz.

Gora udaberria! Gora Bizkargi! eta gora BERBALAGUN!

Maiatzeko "Ezetz Jakin" lehiaketa

2011-05-05T10:09:00.004+02:00

Kalean da maiatzeko "Ezetz Jakin" lehiaketa. Hogeita bi galderak bete eta kultur etxean dugun buzoian sartu izena eta telefono zenbakia jarrita. Beharbada, hil honetan "Omago Txikik" emango duen sariaren irabazlea zeu izan zaitezke.

Arropa kustomizatu eta birziklatu

2011-05-02T22:30:00.002+02:00

Hara oraingoan nolako ikastaroa antolatu dugun. Maiatzaren hiruan hasiko den ikastaroa, arratsaldeko 19:00etatik 21:00era arte eta kultur etxean Nagore Lartitegik emango du.

Izena eman nahi duzula? ba, arin ibili kopuru mugatua izango da-eta.

Mendi irteera apirilaren 30ean

2011-04-23T20:06:00.004+02:00

Mendi irteera antolatu dugu Aste Santuan herria zaintzen geratu garenontzat. Hilaren 30ean, zapatua, Gernika-Lumotik Bermeoraino mendirik mendi joango gara eta itzulera trenez egingo dugu.

Erdu eta gozatu inguruaz!

KORRIKA 17

2011-04-21T11:32:00.006+02:00

Ikaragarria izan zen Gernika-Lumok KORRIKAri egin zion harrera. Eskerrik asko KORRIKAn , modu batera edo bestera, parte hartu duzuen guztioi.

Hara, KORRIKA 3 Gernikatik pasatu zeneko argazkitariko bat. Zenbat urte pasatu ote dira?

"Gernika sutan", herri antzerkia

2011-04-18T00:21:00.003+02:00

"Gernika sutan" herri antzerkia izango da apirilaren 26an Gernika-Lumon. Guregana jo dute irrintzilari eske, badakitelako gure ikastaroetan irrintzilari batzuek diploma ere atera dutena.

Prest zaudete apirilaren 26an parte hartzeko? horrela bada, etorri 25ean arratsaldeko 17:00etan Lizeo antzokian izango den entsaiora.

KORRIKA gure artean, eta eguraldia?

2011-04-15T10:36:00.007+02:00

Beste aste batez, hementxe gara gure eguraldi iragarpenarekin. Asteburu berezia oraingoa, KORRIKA gure eskualde barrena ibiliko da, zapatuz hain zuzen ere. Beraz, badakizue hasi zaitezte zuen hankak berotzen eta luzaketak egiten, hemen daukagu euskaltzale eta euskalakarien bi urterik behin daukagun zita-eta.

Gaur, ostirala eguraldi goxoarekin esnatu zaigu, erreka laino batzuk eta laino maskal batzuekin zeruan, baina bat ere ikararik ematen ez dutenak. Ihintza edo garo pixkat bat egin du goizaldean, baina orduak aurrera egin ahala tenperaturek gora egingo dute eguzki goxotasunaren laguntzaz.

Bihar, larunbata KORRIKA eguna geurean, eguraldia lagun izango dugu goizean goizetik. Goizean tenpertura freskoak izango ditugu ihintza, garo eta erreka lainoekin nahasean, baina laister eguzkiaren laztanak igarriko ditugu. Gaurkoan baino eguzki ordu gehiago izango ditugu, horrela tenperturak gaurkoak baino epelagoak izango dira, eguerdi partean 19 - 20 gradu inguruan. Eguraldia ez da aitzakia izango Korrikarik eta arin aringarik ez egiteko. Sollubeko gainatik sartuko da euskararen jaia eta gure inguruak bustiko ditu.

Igandea, udaberri eguna eta jai giro eguna. KORRIKA 17 Donostian bukatuko zaigu aurton, jai giroa nagusi, milaka lagun, kontzertu, herri bazkari eta kontu ugari. Eguzkia jaun eta jabe izango da bere printzak KORRIKA-ri kinu eginez eta bere goxotasuna eta babesa eman nahian

Asteburu bete-betea oraingoa, eta eguzkia gure Berbalagun izango dogu. Animo guztioi, aupada handi bat KORRIKAri. Aupa BUSTURIALDEKO BERBALAGUN eta Euskal Herri osokoari.

Oharra: Aste santua ganean daukagu, eta jendea hortxe egongo da zain zein eguraldi egingo. Albiste onak ditugu, asteburuko egualdi goxo honek jarraipena daukala dirudi eta epe luzera ere ez da okertze handirik ikusten.

"Erromeria" apirilaren 12an

2011-04-10T10:32:00.003+02:00

Apirilaren 12an "Euskal erromeria" egingo dugu Pasealekuan, iluntzeko 8etan hasita; Segundo Olaeta Musika Eskolakoak izango ditugu laguntzaile. Etorri gura duzuen guztiok, denok zaudete gonbidatuta. Ekarri soinean jaietako kuadrodun zapia. Plazan ikusiko garelakoan, aire, aire,...!

KORRIKA HASI ZAIGU

2011-04-07T18:20:00.005+02:00

Gaur apirilak 7, KORRIKA hasi zaigu Argantzunen 5 eta erdietan eta 10 egunetan Euskal Herri osoan ibiliko da euskararen lekukoa eskuz esku pasatzen. Animo ba Korrika , aurrera ba euskara eta eguraldia korrikarekin bat aurton.

Zalantzak ditut egutegiarekin, gaur apirilaren 7an ala uztailean gaude? A ze uda giroa! Betaurreko ilun eta udako jantziak nagusitu dira. Bero sapaia gurean daukagu asteartetik. Hondartzak gainezka, eskerrak ura ez dagoen oraindik epelen, bestela txarto pentsatzen hasiko ginateke-eta. Kontuz eguzki izpiekin, krema eman beharra dago, kixkaldu eta gero ez esan ohartarazi ez zaitugunik!

Bihar Ostirala, bero eta uda giroarekin jarraituko dugu. Antizikloia gure iparrean daukagu jarrita, Erresuma Batuak eta Frantzia artean. Bertatik hego eta hego-ekialdeko haizea bidaltzen digu, zeru argi eta gandu gabeko eguraldi zoragarri hauek emanaz. Tenperaturak goitik dabiltza, egin kontu ,1.600 metrotako garaietan 16-17 graduko tenperaturarekin. Horrela hemen, behetan 25 eta 30 bitartean izango dugu. Itsas ertzean itsasoko haizeari esker ez dirudi horrenbeste igongo dutenik, Bermeon eta itsasaldeko herrietan gustura hartuko dute.

Larunbatean aldaketa zantzuak igarriko ditugu. Goizean goizetik gandu eta behe laino gehiago izango da, seinale ipar ikutua hartuko duela haizeak. Eguneko tenperaturak beheragotik ibiliko dira eta eskertzekoak izango dira aurreko egunetakoekin konparatuz. Arratsaldean itsas laino gehigo izango dira, baina ez digute ikera handirik emango.

Igandean, laino gehiago eta tenperaturak jaitsi egingo dira nabarmen, baliteke mendi inguruetan zirimiri edo lanbro apurren bat izatea, baina uste dut aterri eutsiko diola egun osoan, bailaretan behintzat (Gernika-Lumo, Muxika, Busturia ,Bermeo...)

KORRIKA egun paregabeekin hastekotan da, eta badirudi datorren astean ere eguraldi goxoekin joango dela. Tenperatura freskoagoekin arin -aringa ekingo diogu eta Euskararen lekukoa lehorretik joango da EUSKALAKARIen eskuz esku.

KORRIKA 17

2011-04-07T10:28:00.004+02:00

"Pausoz pauso EUSKALAKARI ..." "maitatu, ikasi, ari, ..." Ondo etorri KORRIKA!

"Euskal Erromeria" hilaren 12an

2011-04-05T10:30:00.003+02:00

"Euskal Erromeria" egingo dugu Pasealekuan, apirilaren 12an, iluntzeko 20:00etatik 21:30etara. Segundo Olaeta Musika Eskola izango dugu laguntzaile eta atsedenaldietan, Bizkaiko sagardoa edateko aukera egongo da. Dantzan egin nahi duzuen guztiok gonbidatuta zaudete.

Martxoko "Ezetz Jakin" lehiaketa

2011-03-31T23:51:00.006+02:00

Martxoko "Ezetz Jakin" lehiaketak badu irabazlea, Bihotza Tarantinok irabazi du bi lagunentzako afaria Lezama jatetxean.

Oraingoan, 125 lagunek bete dute lehiaketa eta horietatik 95 egon dira ondo-ondo beteta.

Saria jasotzeko unean ateratako argazkian ezkerretik hasita, Bittor Zarrabeitia Udaleko euskara teknikaria, Lezama jatetxeko Manu Segurola, Bihotza Tarantino irabazlea, Ekaitz Goienetxea AEK-ko irakaslea, Joana Urrutia Aita Villasante Udal Euskaltegiko idazkaria eta Pili Ibarra Berbalagun teknikaria. Oharra: Aste Santuko oporrak direla-eta, apirilean ez dugu lehiaketarik aterako. Hurrengoa maiatzean izango da.

"Kuku"aren berririk bai?

2011-03-31T18:13:00.003+02:00

Aupa Berbalagunok! Zelan doakizue astea ba? eguraldi aldetik, astearen lehen zatia goibel joan zaigu, gauetan egiten izan du euria, eta egunez aterri antzean, baina gaurtik aurrera eguzkia eta tenperatura epelak izango dira larunbatera arte . Bihar, apirilean sartuko gara; entzun al duzue kukurik zuen inguruan? Aste honetan bizikletan nabilela entzun dut, Bizkaiko behatokiaren inguruan (Mendata). 1o euro nituen soinean, nahikoa ote da? badakizue, kukua lehengo aldiz entzuten duzunean dirua soinean daukazula urte osoan ez duzuela faltan izango. Egia ote da? Aurreko igandean ordu aldaketa izan genuen. Goizetan kosta egiten zaio eguzkiari irtetzea, nagi dago antza, bere loalditik esnatzeko kexaz. Baina arrtsaldeetan, zer? zelan eskertzen den ordu bete luzatze hori. Iluntzeko 8ak arte daukagu gurean eta jendearen poztasuna igartzen da kalean. Bai edarra zaren bai izarretako errege, energia eta irriparra emanez. Gaur osteguna eguzki goxoa izan dugu. Kostaldean itsas haizea ibili da arratsalde osoan, oraindik itsasoko ura hotz daukagu 12 - 13 gradutan, eta ez da epel usain handirik igarri, esan bestela Bermeo eta Elantxobe inguruko jendeari. Hemen Gernikan epelago eta 20 bat gradura heldu da. Bihar tenperaturak oraindik ere gehiago igoko dira, hego haize ikutuarekin. Manga hutsean eta praka motzean ikusiko dugu jendea kalean. a ze ederra! Larunbatean, hego haizea gehiago nabarituko dogu goizean goizetik. Tenperatura epel edo beroak izango ditugu 24- 26 inguruan eguerdian, arratsaldean aroak bero honekin desagonkortzeko joera hartuko du eta baliteke iluntz gau partean oinaztu (justuria Bermeon) eta trumoi festa izatea, baina badakizue trumoiak eta ekaitzak kapritxosoak direla eta batean bota dezake eta bestean km gutxitara ezer bota ez. Larunbatean, Gernikako kaleetan, KORRIKAren aldeko itsulapikoak izango dituzue. Aukera ederra ba laguntza bat emateko. Igande edo domekan aroa aldatzekotan da, goizean lainotuta esnatzekotan bezperako ekaitz hondarrekin. Arratsaldean da euri gehiago egiteko. Trumoi giroko zaparradak ere izan genitzake. Egun honetan Bermeon izango dira itsulapikoak. Asteburuan Busturialdean itsulapiko festa. Eman zure eskupekoa euskara eta KORRIKAren alde.

"Euskaraz Bizi Egunean" mendi irteera

2011-03-23T13:45:00.050+01:00

Martxoaren 19an Gernika-Lumo-Ordorika-Kosnoaga-Landaberde-Urberuaga-Elexalde-Triñe-Gernikako itsasadarra-Gernika-Lumo egin genuen, 14 km lau ordutan.

Badakizue zenbat lagun batu ginen? 84 lagun eta 7 txakur.

Zer ikusi genuen? Gernika eta Lumo arteko kaltzada, Amillagako San Martin ermita, Aixerrota edo Kosnoaga, Urdaibaiko dorretxea, San Kristobal ermita, erromatarren aztarnategia Forun, Triñeko mahats-parrak, Padura, Gernikako itsasadarra eta bertako hegaztiak, ...

Eskerrak eman behar dizkiegu dena hain ondo ateratzeko lagundu ziguten hauei: "Txiki" Elgezabali ibilbidea zehatz-mehatz prestatu zuelako, Iratxe Urigueni triptiko zoragarria egin zigulako, Arteagako Antoliñape kultur taldeari hamaiketako ederra prestatu zigulako eta Jon Mikeli argazki dotore hauek atera zizkigulako:

Taldearen argazkia Lumon atera genuen. Kultur etxearen aurretik irten eta Genikako Arbolaren ondotik ... Lumorantz ... kontu kontari aurrera ... Batzuk urrutitik etorri ziren euskara praktikatzera eta inguruaz gozatzera, nondik? Kaltzadatik gora, lehenengo aldatsa ...

... gure Iratxe, pozik ...

Ana eta Rosa Mari, txakurrez inguratuta, zuenak dira?

"Binba" nagusiaren esanetara adi.

Etor, zein da txakurraren izena? ...as? ahaztu egin zaigu. Hori ehiza-txakurra izango da, ezta?

Lumoko San Pedro eleizaraino, behintzat, heldu gara. 9:30ak erlojuan.

Geu ere, bagatoz Lumoraino.

Triptikoak banatu genituen eta jendea "bisto buenoa" ematen ...

Informazioarekin, denok gustura?

Lumoko plaza berriztatua, zein dotore geratu den gero!

Iratxe azalpenak ematen: "Lumo Eleizatea da, Gernika Uria, 1051koa dugu LUMO izena aipatzen duen idatzizko lehenengo dokumentua, ...."

Amillagako San Martineraino heldu gara, ...

Oraintsu berriztatuta dago ermita hori ere.

Hurrengo helmuga Kosnoaga izango da, ... Bermeotik eta Getxotik ere badauzkagu Berlagunak. Zer moduz orain artekoa?

Ez da ibilbidea hain zaila, hara zortzi urteko neskato horrek nolako martxa daraman.

Barakaldotik Maite, alaba eta txakurra ere etorri zitzaizkigun.

Horra hor Kosnoaga tontorra.

Zu bai, zu, Lumo , zuhaitz, zelai eta lore; argitasun eta kolore. Edonondik begiratuta beti dotore!

Kosnoagatik ikuspegi zoragarria, Foruko kantera kenduta, jakina!

Ea zenbat herri ikus ditzakezuen hor?

Aixerrotan inguruaz gozatzen eta ...

... kopautxua egiten ...

Ez larregi jan, gero luntxa daukagu-eta.

Jan kontuetan, txakurra bera ere ez da atzean geratzen gero!

Juani, Pili eta Bego kontu kontari ...

Arkitektu hauek etxea non egin aukeratzen ari dira.

Eguraldi zoragarria!

Ahuntzak eta antxumeak. Horrelako lepoko dotorea izan zuten eme guztiek, zergatik ote da?

Foruko San Kristobal auzoan.

Bide bazterrak "San Jose Lorez" jantzita.

San Kristobal baseliza Forun.

Bidegurutzean guk Urberuagarantz hartu behar dugu.

Hauek ere erromatarren garaikoak ote dira, ba? Karakola eta ....

Erromatarren aztarnak Forun.

Forutarrak gernikarrei ingurua erakusten: han, kurtideria; hemen, gure asaben logelak,...

Triñe inguruan, mahats-parrak ...

muxikarrak, artezak gero!

Triñetik, itsasoa be ikusten da. Han urrunean San Antonio, Laida, Atxarre, ...

Kontraste polita, ezta?

Triñen, ermita alboko baserria salgai dago. 600a ere geure "martxan"!

Hona hemen Triñeko baseliza.

Klikatu argazkiaren gainean eta horko kontuez jabetuko zarete.

Inguru honetatik ibilalditxoak egitea merezi du.

Zein hondartza da han barrenean ikusten dena?

Muruetarantz ezkerretara eta Forurantza eskumatara. Guk eskumatara hartuko dugu.

Triñetik behera, trenbidea gurutzatu behar dugu.

Trenbidea gurutzatu, baina kontuz. Ondo begiratu ea trenik datorren.

"Txiki", hau programatuta egon da? hau lupetza, basatza, kakatza, ...!

Gernikako erreka, itsasadarra. Heldu gara!

Hau bai harrera! Gora Antoliñapekoak! Salda beroa, ogia, sagardoa eta ...

... solomoa piperrekin, ez edozelako piperrak ere, "pikilloko piperra". Hobeto ezin izan genuen amaitu ibilaldia.

Oharra: 1.- Erreportajea gustatu bazaizue egin komentarioren bat (iruzkinen bat).

2.-Apirilaren azken larunbatean, oporretan kanpora joan ez garenontzat beste irteera bat prestatuko dugu. Adi karteleei.

Joseba Andoni, eguraldi iragarlea

2011-03-23T13:43:00.006+01:00

Zelan joan zen zapatuko mendi irteera?

Arrakastatsua izan zela esan dezakegu. Jende asko animatu zen eta hori poztekoa da. Goiza ostarte zabalekin esnatu zitzaigun baina eguerdialdera lainotu eta zipristin batzuk bota zituen baina ez mendi irteera ondatzeko lain. Hurrengo mendi irteerek ere bere eguraldi iragarpen zehatza izango dute, orduan badakizue, ostiralero sar zaitezte gure web orrialdera eta informazio zehatz zehatza eta zuzenekoa izango duzue.

Aurreko astean koarta denporak izan ziren. Nondik nora eta zelako eguraldia izan genuen? Kontuan hartu duzue?

Asteazkena egun euritsua izan zen. Iparmendebal haizea harro ibili zitzaigun eta tenperatura freskoekin. Bariku eta zapatua nahiko sikutik joan zitzaigun ekialdeko haize leunaz tenperatura goxoekin. Orduan antza denez, udaberriaren hasiera euritik joango dela dirudi. Udaberriaren azken 2 herenak sikutik joango ote zaizkigu? Utz ditzagun kontu horiek koarta denporetan aditu den Pello Zabala Arantzakuko fraile ezagunari.

Asteburarako planik badaukazue Busturialde mailan? hemen daukazue egunez eguneko iragarpen txiki hau:

Gaur osteguna, haizea harro ibili zaigu, tarteka bolada indartsuekin. Tenperatura nahiko epela izan dugu, 16 -17 gradu bitartekoa Gernikan eguerdi partean. Goietan haize hau ez da goxoa izaten. Tenperatura 13-14 gradu bitartean izan dugu, Nabarniz, Mendata (Urrutxu) 350 metro eta 400 bitartean, baina haize harro honekin sentsazio termikoa askoz ere hotzagoa da. Euri zipriztinen bat bota omen du baina ez da izan lurrik buztitzeko bestekoa .

Bihar barikuz haizea lasaitu egingo zaigu, ez da hizpide izango. Ostarte zabalekin pasako dugu goiza. Goi lainoak ere bistan izango ditugu baina beldur handi barik. Arratsaldean, agian laino gehiago egon daiteke mendi inguruetan eta baliteke tantaren bat edo beste botatzea baina ezer gutxi, udaberri beteko eguraldia. Gogoratu, martxoaren 21 ean sartu ginela aro berri honetan eguna hasi eta 21 bat minutura, hain zuzen ere

Zapatuan, antzeko eguraldia izango dugu, barikukoaren tankerakoa. Hori bai, arratsaldean giro desegonkorragoa izango dugu. Aire hotza sartuko da goiko geruzetan, eta oraingo udaberriko eguzkia gero eta tenteagoa dagoenez, lur azala berotu eta aire hotzarekin nahasterakoan lainoak sortzen dira mendi inguruetan zaparradaren bat edo beste botaz, trumoi itxurakoak. Laino horiei argazkiak egiteko aukera polita. Cumulo nimbusak altura handiak hartzen dituzte eta hegazkinek ere tentuz ibiltzen dira.

Igandean, guztiz aldatuko zaigu egoera. Aste guztian izan dugun hego haizea iparrera aldatuko zaigu. Frente baten bisita espero dugu goizean zehar, euria utziz. Tenperaturen beherakada nabarmena eta euriarekin batera ez da giro izango. Egun desatsegina egun guztian zehar.

Laburbilduz, zapatua aprobetxatuko dugu gehien bat kaleko kontuak egiteko, domekan euri kontuak datoz eta.

Gogoratu, ez dago eguraldi txarrik bakoitzak bere xarma dauka, eta ez gaitezen kexatu.

Ez ahaztu igandeko ordu bietan hirurak izango direla. Gau -txoriok, parrandarako ordu gutxiago, ezta?

Datorren astera arte.

Martxoko "Ezetz Jakin" lehiaketa

2011-03-22T13:51:00.003+01:00

1.- Noiz pasatuko da KORRIKA 17 Busturialdetik?
2.- Zein ordutan pasatuko da KORRIKA Gernika-Lumotik?
3.- KORRIKAk "Euskalakaria" hitza atera du. Zer esan gura du?
4.- Gernikan, aratusteetan mozorrotzeko aurtongo gaia?
5.- Zein auzotan ari dira eraikitzen Gernikaldea Bereizmen Handiko Zentroa?
6.- Gernika-Lumon, zein lekutan jarri dute "Monument Aux Martyrs D`Oradour" izeneko eskultura?
7.-Goiko eskultura horrek zer irudikatzen du?
8.- Zein ikastetxetan jarri dute Bizkaiko konpostagailurik handiena?
9.- Martxoaren 19an, non ospatuko/ospatu du Euskal Herrian Euskarazek "Euskaraz Bizi Eguna"?
10.-Gernika-Lumon, zenbat ume jaio dira 2010ean?
11.-Zenbat urte bete dira Estatu Kolpea eman zutenetik, 23 F-tik?
12.-Ilargiaren zein fasetan inausi behar dira arbolak?
13.-Piperra erein ala landatu egiten da?
14.-Zure alabaren alaba, zer da zuretzat?
15.-Idi-parea lotzeko zer erabiltzen da?
16.-Zein animaliak laguntzen digu ordenagailua erabiltzen?
17.-Lezama jatetxea, zein kaletan dago?
18.-Euskaraz lehen liburua idatzi zuena, Beñat ...?
19.-"arkumea" beste era batera?
20.-Zer bota zuen bidean Erpurutxok nola itzuli jakiteko?
21.-Erle langileak, arrak ala emeak dira?
22.-Nork abesten du "Bizkaia maite, atzo goizean ikusi zintudan"?

Mendi irteera "Euskaraz Bizi Egunean"

2011-03-17T16:47:00.005+01:00

"Euskaraz Bizi Eguna" ospatuko dugu Gernikan martxoaren 19an. Gure ekarpentxoa egin nahi izan dugu eta mendi irteera antolatu dugu egun horretarako. Goizeko 9:00etan kultur etxearen aurrean jarri dugu ordua eta ordu batetarako Pasialekuan egongo gara jaian parte hartzeko. Mendi martxakoei luntxa emango omen digute. Bazatoz?

Eman izena AEKn edo Aita Villasante Udal Euskaltegian.

Gure eguraldi iragarleak zer dio, ba?

Eguraldi aldetik behintzat, astea nahasi doakigu. Astea goxo eta epel hasi baina astearte iluntzean, haizeak norabidea aldatu eta euria etorri zitzaigun. Lehen hegotik ibili zenak, ipar ikutua hartu du.

Asteartetik ostegunera euria zarra-zarra egin du, gure inguruko ibaiek gainezka egin arte, Muxika eta Santa Anako aparkalekua horren lekuko. Busturialdean 3 egunetako euria litroz batuz gero 70 bat litro bota ditu oro har.

Bihar ostirala, egunotan izan dugun eguraldia aldatzekotan da. Gure parean izan dugun depresiogunea joatekotan da. Azoreetako antizikloi ospetsua egun batzuetarako etorriko da eta egonkortasuna ekarriko du. Bihar goiz goizetik aurpegi alaiagoa izango du eta ostarteak ikusiko ditugu. Eguneko tenperatura altuenak apur bat gora egingo du.

Aterkiaren premiarik izango dugu larunbatean?

Larunbatez, mendi martxa daukagu. Goizean goiz, laino gehiago ikusiko dugu eta baliteke zipriztinen bat edo beste botatzea, baina uste dut ateri eutsiko diola, aterki txikia eraman badaezpada.

Animatu zaitezte ba mendi martxarako, eguraldia ez dadila izan etxean geratzeko aitzakia.

Igandean, berriz, egun alaigoa izango dugu eta eguzkia ere lagun izango dugu ordu batzuetan. Goiz partean tenperatura freskoa izango badugu ere, eguerdian, ekialdeko haize leunarekin, giro epelagoa izango dugu.

Beste barik, gogoan izan datozen egunak egun bereziak direla kuartadenboretan

sartzen garelako. Ikusiko dugu nolako eguraldia iragartzen diguten.

Anino berbalagunok eta eutsi horri.

Gernika-Ajangiz-Arratzu-Mendata-Gernika

2011-03-16T00:25:00.065+01:00

Otsailaren 26an, Gernika-Ajangiz-Arratzu-Mendata-Gernika ibilbidea egin genuen, guztira 16 km. Goizeko 9:00etan kultur etxearen aurrean 46 lagun eta 5 txakur batu ginen, inoizkorik gehien. Lehenengo orduetan eguraldi polita izan genuen, baina Montolan parean geundela euri lanbarra hasi eta mela-mela eginda heldu ginen helmugara.

Ajangizeko Landazabala (campiña), Arratzuko Hariztia eta Haltzadia, Mendatako Montolan Dorrea, Artzubi Erdi Aroko zubia eta Olazar Burdinola ikusi eta ezagutu genituen.

"Txiki" izan genuen gidari, Iratxe azalpenak ematen eta argazkilari lanetan Jon Mikel eta Iratxe. Hara zelako argazki politak atera zituzten:

Artzubi zubia, Arratzun. Argazki honek atzeragotxo egon beharko luke, baina bere lekuan sartzea ahaztu egin zaigu eta hain dotorea izanda, hasieran baino ez bada ere, sartu beharra egon da. Eutsiko ote digu zubi zaharrak? Gernikatik Ajangizerantza, denok kontu kontari. Jendea pozik, motorrak berotzen. Goiz osoa daukagu aurretik, ez dago presarik! Hau da Berbalagunen helburua, irteerak bai, baina lagunekin berba egitea.

Ajangizera heltzen. Zer jartzen du han, dependentzia? Txakurra nekatu zaigu.

Ajangizetik Gernika eta Lumoko ikuspegia.

Irteera honetarako prestatutako triptikoak banatzen. Ez genuen pentsatzen horrenbeste jende etorriko zenik eta batzuk bat ere gabe geratu ziren.

Argazki hau ere, lekuz kanpo dago. Montolan, bost hormako dorretxea. Pedrok dio, gazteak zirenean, eurak baino nagusiago zen emakume dotore bat bizi zela hor, Paloma txirrindulariaren arreba, Mari Sol.

Ajangizen inguruko mendiak zeintzuk diren polito azalduta dute harri gain horretan: Aurrean Kosnoaga eta Bizkargi, hegoaldean Oiz eta iparralderantza itsasoa ...

Iratxe Uriguen ikusiko dugunaren gainean azalpenak ematen.

Taldearen argazkia atera genuen Ajangizen.

"Gora ta gora beti, ... "

Sonia eta Jessica, zein da erreka hori?

Nekatu zarete ala ez dakizue norantza egin?

Bide gurutzean, Arratzuko Eleizalderantz edo Ajangizerantz? Arratzurantza, jakina!

Olazarreko burdinola Arratzun. 1975eko uholdeek barruko instalazioak hautsi zituen, baina oraindik mantentzen ditu bere presa eta antepara.

Bai neskak, horretarako jarri dituzte azalpenak, irakurtzeko. Golako errekaren ibarrean dago Olazar.

Olazarreko Burdinolaren jabea aker beltz hau ote dugu ba?

Arratzuko eleiza.

Ondo berotuta heldu ginen, jateko eta edateko prest, baina Txikik Zarrabentaraino ez dagoela geldiunea egiterik eta, gu haren esanetara.

Hara, lehengo baserriek nolako komun bitxia zuten.

Berriro bidegurutzea, norantza egingo dugu? Montolanera

Zuek bai zuok, gidari ofizialari segitu beharrean, Jon Mikelek ezagutzen duen iturrira eraman zaituzte. "Maritxu, nora zoaz, eder galantori? ..."

Montolanen inguruak aztertzen. Bertatik Arratzuko harana eta Oka ibaiaren itsadarra ikus daitezke.

Hauek bai neska dotoreak!

Hauek badakite Erdi Aroko dorretxe gehienak bezala babeserako eraikitako etxea izan zela eta pentagonala dela.

Hemendik aurrera euria izan genuen lagun.

Zein da ermitaren izena? nork gogoratzen du? Jessica, kontuz gero, "astoak joko bat eta bera ostikada".

Paraje dotorea, ezta?

Atsedenalditxoa izan genuen Zarrabentan.

Gure kontuak ez dira inoiz amaitzen.

Taberna aurrean, a zelako iskanbila izan zuten txakurrek, ugazabaren bat oraindik seneratu ezinik omen dabil.

Gorri zaleak mahai bueltan.

Tabernako mutilek ezuste galanta hartu zuten 12ak aldera horrenbeste lagun agertu ginenean. Hilabete inguru daramate tabernan lanean, eta gainez egin zien gure etorrerak.

Eskatu eta lasai itxaron behar izan genuen, ezta Arantza?

Zer ari dira eraikitzen? geriatrikoa, agroturismoa, etxea, ... ?

Mendatako frontoian babesa hartzen.

Batzuek euritakoa ere eraman zuten, "don prebenidoak"

Nekatuta ala mutilak?

Frontoi dotorea, ezta?

Oharra: martxoaren 19an egingo dugu hurrengo irteera. Adi kartelei!

Martxoaren 19an mendi irteera

2011-03-12T01:10:00.006+01:00

Martxoaren 19an egingo dugu mendi irteera. 14 kmko ibilaldia prestatu digu oraingoan "Txikik", Gernikatik-Lumo-Kosnoaga-Forua-Triñe eta erreka hegaletik Gernikako Pasialekura helduko gara.

Euskal Herrian Euskarazek "Euskaraz Bizi Eguna" ospatuko du Gernikan, horregatik geuk ere geure aportaziotxoa egin nahi izan dugu eta martxoko irteera egun horretara aurreratu dugu.

Goizeko 9:00etan irtengo gara Kultur Etxearen aurretik eta ordu batak aldera Pasialekuan mendi martxakoei ongi etorria emango digute; luntxa ere izango omen dugu.

Beraz, badakizue egun horretarako beste planik ezin duzuela egin. Eman izena lehenbailehen AEKn edo Aita Villasante Udal Euskaltegian.

Asteburuko eguraldia iragartzen

2011-03-11T11:03:00.004+01:00

Gaur barikua da eta, astero egiten dugun legez, asteburuko eguraldi iragarpena emateko prest gaude.

Zelan pasa dituzue aurtengo karnabalak? Mozorrotu zarete?

Urterik urtera indar handiagoa hartzen ari dira Gernikako aratusteak eta gero eta parte hartze handiagoa nabaritzen da, aurton gainera eguraldia lagun izan dugu. Ezin izan gara kexatu aurtengoan, badaki bestelakoa egiten eta.
Aurreko asteazkenetik, Garizuma aldian bete betean sartuta gaude.

Zelan joango zaigu ba eguraldia hurrengo egunetan?

Aste honetan eguraldi bikaina izan dogu, udaberri girokoa. Neguan gaude oraindik, pentsatu ez arren. Hilaren 21ean emango diogu lekukoa Udaberriari. Gaur Ostiralez, oraindik ere egun eguskitsuarekin jarraituko dogu, tenperatura epelak eta eguzkia begi bistan. Goizeko lehen orduetan gandu eta behe laino apurren bat izan dugu, baina argitu du dagoeneko. Arratsaldean hego haizea, edo herriko haizea igartzen joango gara, baina enbarazu handirik gabe. Beraz, eguraldi ona gaurkoa.

Bihar zapatuz, aldaketak igarriko ditugu. Zeru zapaiari begiradatxoa eginez gero, laino gehiago ikusiko ditugu. Herriko haizea harro ibiliko da unada batzuetan, eta baleike zipriztinen bat edo beste botatzea, baina egun gehiena sikutik joango da. Tenperatura aldetik, epeletik joango da. Eguneko altuenak 15-16 gradu bitartean eta gauetan aurreko egunetakoak baino epelagoak izango ditugu.

Domekan edo igandean, aroa gehiago desegonkortuko zaigu. Depresio guneak gure gainean jartzekotan dira. Baten batek barometroa etxean izanez gero konturatuko da beherantz egin duela presioak. Larunbatez baino laino gehiago ikusiko ditugu eta ez da harritzekoa izango zaparrada txikiren bat edo beste egitea. Ez da egun euritsua izango, baina ezin fidatu. Lainoak hego mendebaldetik hurreratuko zaizkigu, tenperaturak apur bat jaitsiz baina aldaketa handi barik. Haizea bare xamar ibiliko, arratsaldean apur bat bizituz.

Orokorrean asteburuan laino gehiago izango ditugu, zipristinen bat edo beste unadaren baten baina okertze handi barik. Tenperatura goxoak eta hego haizea harro momenturen baten. Orduan, paseoan joateko moduan bagaude, eraman aterki txikiren bat badaezpada.

Datorren astea eguraldi nahasiarekin hastekotan da. Asteartean edo martitzenean orduan, euria dezente egitekotan arratsaldetik aurrera, asteazkena ere hartuz. Hurrengo egunak ere euri kontuak izatekotan dira ipar haizea muturra sartu nahian, udabarri hasiera kaskar baten seinale?

KOARTA DENBORAK

Parketeetako zuhaixkak bizten hasiak daude, adibidez Pasealekuko sarreran dagoen Magnolio ederra loretan daukagu. Gogoratu tenporatan sinisten baduzue, datorren astean udabarriko tenporak ditugula. Asteazkena 16, ostirala 18 eta larunbata 20ko eguraldiari erreparatu beharko diogu hurrengo hileetan izango dugun eguraldia jakiteko. Beraz, apuntatu eta etxeko lanak badituzue kontuan izan.
Egia ote da tenpora kontu hori? Aintzinako baserritarrek fedea zuten horiengan. Zergatik ote?
Beste barik, hurrengo astean gehiago izango duzue.

Irrintzi ikastaroa

2011-03-08T23:52:00.018+01:00

Gure artean klasikoa bihurtu dugu irrintzi ikastaroa, bosgarren urtea izan da aurtongoa. Amaia Garciak gero eta hobeto prestatzen digu ikastaroa. Irrintziak nola egin ikusteko filme zatiak jarri zizkigun, besteak beste, "El desfiladero de la muerte" eta "Mcgyver".

Arnasa hartu eta hartutako guztia botatzeko, esperiometria antzeko zerbait egin behar izan genuen plastikozko botilekin. Arnas ariketa sakonak, beroketak,... Txalapartaren erritmoaz edo "Sarri-Sarri" abestiaren erritmoaz zantzoak nolakoak izan daitezkeen ere erakutsi zigun. Leon eta Mauriziaren grabazioak ere ez ziren falta izan. Hori bai, Samaniegoko Iñakiren ardoa izan genuen lagun, "mama gozoa, edando neukela beterik basoa, klink ..." Batzuek zahatotik nola edan ere bertan ikasi zuten.

Irakaslea eta hogeita hamaika lagun ibili gara ujugiak, zantzoak, irrintziak, ... botatzeko teknikak zabaltzen. Bigarren egunean, gehienok harrituta geratu ginen 14 segundokoak egiteraino heldu ginen-eta.

Sentitu zeuon paparrak nola betetzen diren.
Arnasa hartu eta bota, ...
Orain sabela bete behar duzue, ... Sentitu, sentitu.
Paparra, sabela, ... Horrela, horrela.
Amaiaren azalpenei denok adi. "Gure birikiek honela funtzionatzen dute ..."

Zahatotik edaten badakigu ala? Horretarako ere ikastaroa antolatu behar ote dugu ba!

Alfredok eta Imanolek badakite nola edan behar den.

Amaia, popa hori horrenbeste atera behar da edateko ala?

Bai ba, ikastaroaren azkenera arte egon zirenek "Irrintzi ikastaroa, hastapena" ziurtagiria jaso zuten.

Unibertsitatean "kreditoak" lortzeko balioko ote du gure ziurtagiriak?

Otsaileko "Ezetz Jakin" lehiaketa

2011-03-05T20:52:00.003+01:00

Otsaileko "Ezetz Jakin" lehiaketaren saria eman zuen ostegunean BERBALAGUNek. 75 parte-hartzaile izan diren horretan 68 lagunek eman dituzte erantzun zuzenak. Baina, denen artean saridun bakarra: Kristina Zubizarreta Ikazuriaga. Bi lagunentzako afaria irabazi du SARDEXKA jatetxean. Kristinaren ordez, haren amak eta alabak jaso zuten saria Nahia Espinosa jatetxeko ordezkariaren eskutik.

Joseba Andoni Oar eguraldi iragarlea

2011-03-03T18:25:00.006+01:00

Badakizuenez aurreko astean Berbalagun blog berezi honetan eguraldi iragarpenekin hasi ginen. Gaur Eguen Zuri da eta karnabal giro bete betean sartu gara. Gaur basatoste eguna be bada eta txarriki eta enparauen eguna. Berbalagunok zalantzan egongo zarete ze mozorro jantzi ez dakizuela. Orduan, hauxe da tokia zalantza guzti horiek argitzeko.

Aratusteak be heldu zaizkigu eta zelako eguraldia izango dugu asteburuan ba?

Martxoa, negu giroarekin hasi zaigu aurtengoan, tenperatura hotzak, elurra mendietan, txingorra eta euri kontuak. Gaurkoan euriakin esnatu gara, baina egun guztian zehar aterri eta ipar haize petrala izan dogu lagun. 10 gradutik gora ez gara pasatu eta bihartik aurrera negu aldi txiki hau joaten hasiko zaigu. Ekialdeko haizeak garrantzia hartzen joango da, eta handik eguraldi lehorrago eta samurragoak izango ditugu. Ostarteak nagusitzen joango dira eta tenperaturek eguerdialdean epeltze aldera egingo dute, baina goizetan oskarbiago egongo denez freskura eta izotz puntua eduki genezake. Gauean irteten zaretenok kontuan hartu beharreko kontua.

Laburbilduz, eguraldiak hobetze aldera egin behar du, tenperatura goxoagoekin. Aterkia etxean utzi, baina gauetan fresko eta hotz puntuaz ibili beharko dugu. Beraz, ondo jantzi.

Joseba Andoni Oar, ber-bertoko metereologoa

2011-02-24T17:32:00.006+01:00

Joseba Andoni Oar, ber-bertoko metereologoa. Etxekoa, esaten dena. Gure BERBALAGUNkideak Arrate irratian ematen du, egunero-egunero, eguraldiaren berri eta hemendik aurrera, asteburuero, leiho honetan izango dugu.

Nondik-nora datorkizu zuri zaletasun hori?.- Egia esateko, umetatik. Hasieran zaletasun berezia denez, besteen aurrean izkutatu egiten nuen. Baina, berez zaletasun hau zen eta da gehien gustatzen zaidana. Umetan, telebistan albiste saio osoa ikusten nuen eguraldiaren iragarpena ikustearren.

Gure aurrekoek, aitita-amumak eta ingurukoek aintzinako kontuak-eta kontatzen zituzten eta adi-adi entzuten nituen. Ipuinen antzekoak izaten ziren, pasadizuak, elurte kontuak, haizetearen gainean, eta hori gustukoa nuen. Ingurua ezagutu ahala kontu horiek eta txutxumutxu horiekin batera eguraldiaren gaineko zaletasuna piztu zitzaidan.

Erabiltzen dituzun baliabideak, zeintzuk dira?.- Gaur egun Interneta oso fidagarria da, modeloak eta ikus daitezke, baina norberak ere zerura begira adi jarriz gero egun batetik besteko zantzuak aurki ditzake. Gero animalien mugimenduek eta txorien hegaldiek ere informazioa ematen digute. Inguruari adi egonez gero nondik norakoak jakin genitzake.

Jakin izan dugu ilargiak baduela bere eragina ortuari eta bestelakoetan, eguraldiaren gainean, ba ote dauka?.- Antzinako sinismenenetan baserritarrek-eta beti ilargiari erreparatzen zioten euren zereginak betetzeko. Gaur egun, zientzia ez dator bat sinesmen horiekin, baina sarritan eguraldiaren aldaketa eta ilargi aldaketak bat egiten zuten. Kasualitatea ote?

Joseba, zapaturako irteera antolatuta daukagu, esaguzu nolako eguraldia izango dugun asteburuan.- Ostirala egun polita izango dugu, goizean goiz Busturialdean erreka-laino batzuk izan genitzake, baina oskarbi harrapatzen duen lekuan garoa izango dugu. Eguerdirako 16-17 gradu izango ditugu Gernikaldean eta goietan (Nabarniz, Errigoiti) bota gradu bi gutxiago.

Zapatuan laino gehiagorekin esnatuko gara, beraz, garo gutxiago izango da eta tenperaturak goizean epeltxuagoak izango dira. Goiza aurrera joan ahala gernikarrok kostalderantz begiratuz gero lainoak sartzen dagozela ikusiko dugu. Baina ateri eutsiko dio arratsaldera arte.

Arratsalde-iluntzean, bostetatik aurrera lehenengo tantak ikusiko ditugu, zipristin batzuk baina gauean zehar prezipitazio horiek areagotuz joango dira. Beraz, gautxoriek badakizue txubaskeroa atera.

Datorren asterako, martxoarekin batera negua dator. Elur kontuak gertu izango ditugu. Baietz elur matasak ikusi inguruan!

Otsailaren 26an irteera

2011-02-24T10:32:00.002+01:00

Hilabete honetan ere eguraldia lagun izango dugu; erdu gurekin!