Maiatzeko "Ezetz Jakin" lehiaketa betetzeko azken egunak dituzue. Oraindik bete ez baduzue, jaso galderak lehenbailehen eta sartu zeuon erantzunak kultur etxean dugun postontzian.
2019/05/29
2019/05/28
zapatuko mendi-irteerako argazki batzuk
Zapatuko mendi-irteerako argazki aurrerapena. Argazkilari ofizialaren azgazkiak eskuratu arte, hemen dituzue Silviak, Mari Karmenek eta Iratxek pasatu dizkiguten batzuk.
Euria iragarrita bazegoen be, aterri egin zigun 13:30ak arte. Ibiltzeko eguraldi egokia izan genuen.
34 lagun ausart batu ginen 14 kmak elkarrekin egiteko, inguruaz gozatzeko, bide berriak aztertzeko, Iratxeren azalpenak entzuteko, euskara ikasten dabiltzanekin euskara praktikatzeko, ...
Matxitxakon haizeak gogor jotzen zuen. "Matxitxako en Bizkaia, Ajo en Santander, Peñas en Asturias, ..." ; horrela ikasi genituen eskolan faroak, buruz.
Gure ibilbidearen helmuga aurrean, Bakio. Ordu bi eta erdietarako, Gernikara itzultzeko, autobusa zain izan genuen.
2019/05/24
Gaurko Busturialdeko HITZAk mendi-irteeraren berri
Hona hemen gaurko Busturialdeko HITZAk dakarren albistea.
Bihar, ERDU gurekin!
2019/05/23
Zapatuko mendi-irteerarako triptikoa
Hona hemen zapatuko mendi-irteeran banatuko dugun triptikoa. Dena delakoagatik gurekin etortzerik ez baduzue, jaso hemendik eta hurrengo baten zeuon etxekoekin edo lagunekin egin ahal izango duzue ibilbide interesgarri hau. Hala ere, etorri ezik Iratxe Uriguenek emango dituen azalpenak galdu egingo dituzue.
2019/05/18
Uztailean ere BERBALAGUN taldeak nahi izanez gero
Uztailean ere, nahi izanez gero, parte hartu ahal duzue BERBALAGUN talderen baten. Interesa baduzue, deitu edo mezua bidali eta ahaleginduko gara zeuon nahia betetzen.
2019/05/16
Bakearen Doinuak ikuskizunean parte hartu genuen
Segundo Olaeta musika eskolak, urtero, Bakearen Doinuak ikuskizuna antolatzen du Jai Alai pilotalekuan eta herriko hainbat talde gonbidatzen ditu emanaldian parte-hartzeko. BERBALAGUNeko irrintzilariok ere han izaten gara gure ekarpentxoa egiten.
Aurtengoa MUNDIALA izan da!
Zorionak Artur Sustatxa zuzendariari!!!!
2019/05/14
Maiatzeko mendi-irteera 25ean
Maiatzeko mendi-irteera 25ean egingo dugu. Oraingoan, goizeko 9:10ean tren geltokian elkartuko gara Bermeoraino joateko; Bermeo-Bakio egingo dogu oinez eta alokatutako autobusean itzuliko gara.
2019/05/12
Apirileko mendi-irteerako argazki batzuk
Gernikako Bonbardaketaren harira, 1937an izan zen haurren erbesteratzearen gainean hitzalditxoa izan genuen irteeraren aurretik.
39 lagun eta txakur bat elkartu ginen goizeko 9:00etan Foru plazan.
Gernikak jasandako bonbardaketaren hurrengo egunetik aurrera zenbat pertsona izan ziren ihes egitera behartuak?
Industria kaleko Mankomunitatearen bulegoaren aurrean ere egin genuen geldiunea; gurera etortzen diren etorkinek horra joan behar baitute paperak egitera, laguntza eskatzera, ...
Gernika bonbardatu eta gero, gutxi -edo ezer ez- ikusi eta entzun den errealitate batek badu izena: ebakuatua, erbesteratuta, konfinatua, deportatua, iheslaria. Gaurdaino.
HABANA itsasontzian erbestera eramandako ume askoren familiakoak, senitartekoak, lagunak, ezagunak, etxekonekoak, auzokideak, ... Gogoan zaituztegu!
OHARRA: Gogoratu maiatzeko mendi-irteera 25ean egingo dugula.
Suscribirse a:
Entradas (Atom)