ARDO DASTAKETA

ARDOAREN ETA ARRAINAREN ibilbidea egin ostean ardo dastaketari ekin genion. RAMON BILBAOren upeltegiko ardoak dastatu genituen, Alvariño bat eta ardo beltz bi. Goizean, ibilbidea egiten jende gutxitxoago izan zen baina, ardo dastaketan 25 lagun inguru bildu ginen.

Hona hemen Rugby tabernan atera genituen argazki batzuk:

Kupelak mahaitzat hartu genituen.

Igor Basterretxearen azalpenak entzuten jendea adi-adi egon zen. Boteilla horiek Alvariño ardoarenak dira.

Edan aurretik hori egin behar omen da, usaindu. Aitorrek lezioa ondo ulertu zuen.

Edan baino lehen zein kolore duen ikusi behar omen da. Marta, Amaia, Jose Luis eta Marije ezta horrela?

Ramon Bilbao upeltegiaren arduraduna ere hor izan genuen gurekin; ezetz aurkitu zein den!

ARDOAREN ETA ARRAINAREN IBILBIDEA

Ekainaren 23an, zapatua, ARDOAREN ETA ARRAINAREN IBILBIDEA Mendatatik Gernikara egin genuen. Gidari lanetan Iratxe Uriguen izan genuen eta, hara zer kontatu zigun:

Arraina, Erdi Aroko dietan funtsezko produktua zena, gazitua, ketua... kontsumitzen zen. Sardinak, bisiguak eta sardinzarrak ohikoak ziren iberiar penintsulako barneko merkatuetan. Bermeo, 1236an sortua, Kantauriko porturik garrantzitsuenetakoa zen, eta nahiz eta Lekeitio eta Ondarroa ia mende bat beranduago sortu, berehala ezarri ziren merkataritza-ibilbideak penintsularekin lotzeko Urkiolako gainaren bidez, Durango eta Gasteiz artean.

Arrainaren esportazioa gehienbat neguan egiten zen, mandazainak Bermeo, Ondarroa eta Lekeitioko kofradiara hurbiltzen zirenean arrain freskoa erosteko. Arrain hori upeletan sartzen zuten elurrarekin. Arraina bidaiak egiten zuten garai hartako tenperatura baxuei esker mantentzen zen.

Hiru portu hauetatik abiatzen ziren mandazainak beren mando edo gurdiekin arrain freskoa edo gazitua garraiatuz. Itzulerako bidaian, Errioxa, Nafarroa edo Gaztelatik garia, gatza, ozpina edo ardoa ekartzen zuten. Arrain eta labore trafiko honen babesean luxuzko produktu bat merkaturatzen hasi zen: ardoa hain zuzen ere. Batez ere Araba Errioxatik ekartzen zuten eta oso preziatua zen, baita txakolina baino garestiagoa ere. Txakolina Bizkaian egiten zen ardo gaztea zen.

Mandazainek Bizkaiko orografia zaila zeharkatzen zuten Otxandioraino, baina bideak oso erabiliak ziren. Izan ere, egunero heltzen zen Gasteizko merkatura Bizkaitik etorritako arrain freskoa.

"Ardoaren eta arrainaren" ibilbidea Urkiolako portutik oso erabilia izan zen XV. mendetik XVIII. mende hasierara arte, Errege bidean hobekuntzak hasi zirenean, Urduñako portutik Gaztelara joateko. Ibilbide hori zegoen bezala mantendu da XX. mende hasierara arte, mandazainek eta arrain saltzaileek hortik joateari utzi ziotenean.

Gaur egun, ibilbide turistiko eta kulturala bihurtu dena, baita GR handia ere (GR38), Ardoaren eta Arrainaren ibilbideak bere antzinako distira berreskuratu nahi du, ea ibilbidea XXI. mendeko ibiltari berriez betetzen den.

Hona hemen geuk ateratako argazki batzuk:


Hau Mendatako turismo bulegoaren aurrean atera genuen.

Hasierako azalpenak ematen dugu hor Iratxe Uriguen.

Mendatan dagoen ibilbidearen Kartela duzue horko hori.

Jendea eskuak gurutzatuta azalpenak entzuten; errezatzen ote daude bada?

Hasierako ume txikia galdu dute hauek. Bego, non dago Aitor?

ARDOAREN eta ARRAINAREN IBILBIDEA

Ekainaren 23an, zapatua, MENDI TXANGOA egingo dugu; GR 38

Ikasturte honetako azken txangorako ibilbide historiko bat aukeratu dugu. Ardoaren eta arrainaren bide zaharretik MENDATAtik GERNIKAra joango gara, Mandazainen eta Merkatarien antzinako bidetik. Gidari lanetan IRATXE URIGUEN izango dugu.

9:30ean Kultur Etxe aurrean egon beharko dugu; mendiko botak edo mendian ibiltzeko egokiak diren oinetakoak eraman. Mendataraino autoz joango gara.

....eta gero.......... ARDO-DASTAKETA
____________________________________________________


13:00etan-----------------------RUGBY TABERNAN

ARDOA DASTATU ETA EDARI GOXO HONETAZ GEHIAGO JAKIN NAHI BADUZU....

Erdu RAMON BILBAO UPELTEGIAren eskutik antolatu dugun ardo dastaketa egitera eta gozatu etxe honetako hainbat ardorekin ( tartean albariñoren bat ere sartuko omen dute)

OHARRA: Parte hartu nahi duenak emon izena aurretiaz UDAL EUSKALTEGIAn edo AEKn

MITOLOGIA

Mitologiaren gaineko hitzaldi-solasa izan genuen ekainaren 12an, kultur etxean. Hizlaria Josu Larrañaga izan zen, 25 lagun inguru bildu ginen.
Batez ere, San Juan bezperaren inguruko sineskerak ala sineskeriak izan genituen hizpide.

Sua.- Garbitzeko, berritzeko... Eguzkiaren indarra ematen jarrai dezan eskatzeko ospakizuna.
Ura.- Garbitzeko elementua, hainbat kulturatan... Indian(Ganges), Mesopotamian... eta San Joanen kasuan Jordan ibaian bataiatu zuen San Joanek Jesus. Hori baion zaharragoa da Uraren indarra euskaldunon artean: goizeko ihintza edo garoa (ortozik ibiltzea, erreketan bainatzea, iturrietako ura... edertzen dute).
Landareria.- Elorria eta lizarrak tximistetatik babesten dute etxea. "San Joan bedarrak", San Joan goizean bedeinkatzen direnak eta hainbat gaixotasuni aurre egiteko erabili izan direnak...
"kurtzekijje" (sahatsa), Lumon solo bazterretan jartzen zen soloa sorgin eta parte txarrekoetatik babesteko.

*San Joan Kantak
San Juan bagilian denbora ederrian hainbeste usain goxo, San Juan, San Juan. Donie, Donie San Juan dator artoa eta garije bedeinkatzen. (Lumo, Mendilondo baserria)

San Juan dabil soloetan solo guztiek bedeinkatzen lapurrak erre, sorginak erre artoa eta garije kaixan gorde. (Lumo, Aranbarrene baserria)

San Juan bagilian denbora ederrian hainbeste usain goxo, Donie, Donie bezpera gabien Abadiek hasarratu zirien, Ez eben besterik egiten Eta bakarrik musturrek eusiten Gure soloan sugerik ez, zure soloan sugoiek. Gure soloan kalterik ez, zuen soloan kaltie. Gure soloan sagurik ez, zuen soloan saguek. (Lumo, Obar baserria

ZIRKUITOA: GERNIKA-FORUA-GERNIKA

Hara zelako argazki politak atera genituen, erreka hegaletik joan ginen zapatu goiz euritsuan:

Ahate dotorea goiko hori, ezta?

Hona hemen Atxagako zikoinak.

Aterri une bakarrenetakoa izan genuen hori.

Xabier Arana azalpenak ematen liburu eta guzti .

Gabonetan tarteraren batera joango dira horiek.

Ordu bietan amaitutzat eman genuen ibilalditxoa. Triñera eta San Kristobalera hurrengo baten joan beharko dugu.

TAROTA GURE IZAERAREN ARABERA

Tarota gure izaerari buruzko pista ematen du.

78 karta ditu tarotak; horietatik 22 Arkano edo Figura nagusiak dira. Horietako bakoitzaren ezaugarriak aztertu genituen. Bakoitzaren izaeraren 22 figura horiek ze eragin duten aztertzen hasi ginen, eta kartak botatzeko aukera ere izan genuen. Bakoitzak hiru zenbaki ditugunez, hiru figurak eragiten dute guregan.

Tarot unibertsalaren arabera, jaiotzen garenean hiru zenbaki ditu gutako bakoitzak. Zenbaki horiek taroteko figurekin alderatuta, pertsonaren izaeraren gaineko zertzeladak kalkulatzen ditugu. Horretan saiatu ginen tarotari buruzko berbaldian, nahiz eta, beste galdera asko airean geratu.

Hainbat karta eta galdera aztertu genituen, eta figura nagusien artean gurekin estuen lotuta zein zegoen aztertzen hasi ginen. Guztiei ez zitzaien gustatu euren zenbakia, baina jaiotzako data ezin denez aldatu....

Hona hemen bertan ateratako argazki batzuk:

IRRINTZI IKASTAROA

Nati Ibarra gure irakasleak badaki irrintziak zelan bota eta zelan irakatsi besteoi ere. Hiru eguneko ikastarotxoa egin genuen; irrintziak ez eze arnasa nola hartu ere ikasi genuen.
Hona hemen gure irrintzilariak:

UDABERRIKO MAKILLAJEA

"Udaberriko makillajea" izenpean ikastarotxoa eman ziguten MªKarmen estetika etxekoek. Goizean eta arratsaldean bildutakoak adi-adi egon ziren jakitunek zer esango, aurtongo koloreak zeintzuk izango diren, begiak nola margotu behar diren, ze tresna eta nolakoa behar dugun,...

Modelotzat ikastarora joan ziren batzuk hartu zituzten, goizean Amagoia eta arratsaldean Izaskun.

Bertan ateratako argazki batzuk hemen:

TALOGILEAK

Taloak zelan egin behar diren ikasi genuen; irakasle onak, profesionalak izan genituen, Mari Karmen eta Mari Luz. Erabili genituen lehengaiak labeldunak izan ziren: labartoa, ura eta gatza.
Inork ez zigun irakatsi zelan jan baina, majo moldatu ginen!Hara hemen bertako argazki batzuk:

Hara hor gure irakasleak orea egiten.

Honek amentala ere labelduna du.

Harriko guzti hori ea nork egiten duen gero!

Eta hauek" puntilla"dun taloak egin dituzte.

Egitean ez eze erretzean be omen dago sekretotxoa.

ZUHAITZAK ETA ZUHAIXKAK

EUROPA parkean, zuhaitzak eta zuhaixken gaineko informazioa eman zigun Andeka Uriartek. Hogeita bost bat lagunek hartu genuen parte ibilalditxo horretan; eguraldiak ez zigun larregi lagundu baina guk aurrera egin genuen. Bertan ateratako argazkitxo batzuk dira hauek:

KALEIDOSKOPIOAK

Hona hemen kaleidoskopioak egiteko egin genuen ikastarotxoan ateratako argazkiak. Politak ezta?

mintza eguna 2007, Donostian

BIGARREN MINTZA EGUNA, DONOSTIAN BERTAN ATERATAKO ARGAZKI BATZUK DITUZUE HAUEK

2007ko ekainaren 2an "Bigarren mintza eguna "ospatu genuen Donostian. Autobus txiki baten 18 lagun joan ginen Gernikatik. Goizean eguraldiak ez zuen bat ere lagundu, euria bota ahala izan zen, hala ere ez ginen ikaratu eta han joan ginen eguna beste berbalagunkideekin pasatzeko prest. Bulebarrean izan genituen donostiarrak ongi etorria emateko zain; harrera ona egin ziguten eta aterkipean, han ibili ginen hara eta hona euren gidaritzapean.

1. geldialdian azaldu ziguten Donostia 1180an sortu zela, Antso Jakituna Nafarroako erregeak forua eman zionean. Historikoki, militarren hiria, arrantzaleen hiria, merkatarien hiria eta baserritarren hiria izan dela. Datu bitxi bat: kortsarioen hiria ere izan omen da (XVII. mendean penintsulako kortsario portu nagusia izan zen).

2. geldialdian Sarriegi plaza, Raimundo Sarriegi Donostiako Martxaren sortzailearen omenez.
BRETXA: Lehen plaza zen; merkataritza gune gaur egun. Izen hori du, 1719an, frantziarrek zuloa egin zutelako harresian toki horretan –espainieraz, brecha - ; bertatik sartu ziren ingelesak 1813ko abuztuaren 31n.

Hamaiketakoa

3. geldialdian San Telmo Konbentu lehen; museo, gaur egun.
San Bizente eliza XII. Mendekoa; antza, San Bizente Donostiako gaskoien eliza zen, eta Santa Maria, bertako euskaldunena.
Abuztuaren 31ren kalea, Napoleonen kontrako gerran, 1831ko abuztuaren 31n, ingelesak eta portugesak Donostian sartu ziren, eta sarraskia egin zuten: jendea hil, emakumeak bortxatu, hiria erre... Kale bakarra ez zuten soldaduek erre: Trinitate kalea. Kale hura Abuztuaren 31ren Kalea da gaur egun.

4.geldialdian Konstituzio plaza. Kadizko 1812ko Konstituzioaren omenez du izen hori. Udaletxea hemen izan zen 1947ra arte. Zezen plaza bezala erabilia.

5. geldialdia eta azkena BAZKARIA eta bazkal oste girotua.