Gaur apirilak 7, KORRIKA hasi zaigu Argantzunen 5 eta erdietan eta 10 egunetan Euskal Herri osoan ibiliko da euskararen lekukoa eskuz esku pasatzen. Animo ba Korrika , aurrera ba euskara eta eguraldia korrikarekin bat aurton.Zalantzak ditut egutegiarekin, gaur apirilaren 7an ala uztailean gaude? A ze uda giroa! Betaurreko ilun eta udako jantziak nagusitu dira. Bero sapaia gurean daukagu asteartetik. Hondartzak gainezka, eskerrak ura ez dagoen oraindik epelen, bestela txarto pentsatzen hasiko ginateke-eta. Kontuz eguzki izpiekin, krema eman beharra dago, kixkaldu eta gero ez esan ohartarazi ez zaitugunik!
Bihar Ostirala, bero eta uda giroarekin jarraituko dugu. Antizikloia gure iparrean daukagu jarrita, Erresuma Batuak eta Frantzia artean. Bertatik hego eta hego-ekialdeko haizea bidaltzen digu, zeru argi eta gandu gabeko eguraldi zoragarri hauek emanaz. Tenperaturak goitik dabiltza, egin kontu ,1.600 metrotako garaietan 16-17 graduko tenperaturarekin. Horrela hemen, behetan 25 eta 30 bitartean izango dugu. Itsas ertzean itsasoko haizeari esker ez dirudi horrenbeste igongo dutenik, Bermeon eta itsasaldeko herrietan gustura hartuko dute.
Larunbatean aldaketa zantzuak igarriko ditugu. Goizean goizetik gandu eta behe laino gehiago izango da, seinale ipar ikutua hartuko duela haizeak. Eguneko tenperaturak beheragotik ibiliko dira eta eskertzekoak izango dira aurreko egunetakoekin konparatuz. Arratsaldean itsas laino gehigo izango dira, baina ez digute ikera handirik emango.
Igandean, laino gehiago eta tenperaturak jaitsi egingo dira nabarmen, baliteke mendi inguruetan zirimiri edo lanbro apurren bat izatea, baina uste dut aterri eutsiko diola egun osoan, bailaretan behintzat (Gernika-Lumo, Muxika, Busturia ,Bermeo...)
KORRIKA egun paregabeekin hastekotan da, eta badirudi datorren astean ere eguraldi goxoekin joango dela. Tenperatura freskoagoekin arin -aringa ekingo diogu eta Euskararen lekukoa lehorretik joango da EUSKALAKARIen eskuz esku.
4 comentarios:
Ondo, Joseba. Egunez egun eta labur-labur ederto azaltzen deuskuzuz eguraldiaren gorabeherak. Holako iragarpenekin Korrika eta euskalakariok pozik egoteko moduan gagoz. Bihar arte. Ani.
Joseba, martitzenerako erromeria daukagu antolatuta; zelako eguraldia egingo dau egun horretan, ba?
Zelan joan da asteburua?eguzkirik hartu dozue?
parrandarik edo? Bihar daukazue aukera aparta izerdi horiek botateko ondo pasata gainera.Ahaztu kiroldegi astun eta gogaikarriak eta egizu dantza .Euskal erromerian dantza,berba eta irriparre bat emango diozu martitzen honi.Eguraldia lagun izango dozue,bero handi barik.Zerua estali xamar baina aterri.
Dantzan egitea merkea eta osasuntsua da.Animo ba Gernikako erromerizaleok eta aupa KORRIKA
Aupa Joseba,
Korrika izateaz aparte Elorrixoko jaixak dira be asteburu honetan. Animetan barikuan afaritxora? Aitorrek antolatu behar dau pasa den domekan bere urteak izan ziren eta.
Primeran pronostikoa!!
Bego
Publicar un comentario