Gernika-Ajangiz-Arratzu-Gernika

Urtarrilaren hirugarren larunbatean irteera antolatu genuen, gidari eraman genituen hiru mendizale arituak Xabier Onaindia, "Txiki" Elgezabal eta "Orko". Gernikan irten goizeko bederatzietan eta ordu bat eta erdiak aldera itzuli ginen. Ibilaldia: Gernika, Ajangiz (Burgoa menditik), Arratzura eta Belendizetik Gernikara. Eguraldi ederra egin zuen. 25 lagun hor ibili ginen parajeak ikusten eta kontu kontari, urrun ez dela joan behar inguru zoragarriak ikusteko-eta.
Hemen dituzue egun horretan ateratako argazki batzuk:
Arratzuko herria.

Artzubi zubia duzue horko hori. Beheko hori galduta ote dago bada?

Argazkilari hori ubideari argazkia ateratzen harrapatu dugu. Lehen burdinola martxan zegoenean hortik jaisten zen ura.

Golako errekaren gainean Artzubi zubia. Polita ezta?

Gaur egun huntzorriz beteta badago ere, sasoi baten lan asko egindako burdinola dugu Arratzuko hori.

Burdinolaren aurrean panel informatiboak daude.

Denetariko astia izan genuen, hitz egiteko, inguruak aztertzeko,...

Lehengo argazkilari hori orain ere hor ari da argazkiak atera eta atera.

Nortzuk dira hauek? Ani, Txiki, Migel, Loli, Jose Luis, Estiñe, Pedro, Saioa, Ester, Amaia, Mila, Frank, Alberto, Jon Mikel, Xabier, Orkon, Ekhi, Pello, Goxo,Pili, Koldo, .... eta besteak nortzuk dira? nor da argazkia ateratzen dagoena?

Burgoa menditik parajeak ikusten ari dira hauek.

Zer Koldo, zer ikusi duzu bada?