MENDI IRTEERA 2010-03-27

Bezperan "barikutxua" egin arren, batu ginen 47 lagunok goizeko 9:00etan prest geunden irteerari hasiera emateko.

Ibilbidea: Gernika-Ajangiz-Arabieta-Trama-Arribaltza-Amillaga-Lumo-Gernika

Gizonezkoak harrituta utzi genituen, taldearen erdia baino gehiago andrazkoak ginen-eta; mendia ere errebeindikatzen hasi ote gara ba?

Kukuaren kantua ez genuen entzun; ez ote da etorri oraindino?

Ondo ilustratuta itzuli ginen etxera, zenbat kontu, istorio, triptikoko azalpenak eta ikuskizun izan genuen baina!

Geure argazkilari profesionala New Yorken badago ere, ez ginen argazkirik gabe geratu; gurekin lehenengoz etorri zen Mikelek hainbat argazki atera eta bidali dizkigu. Eskerrak argazki digitalaren aroan bizi garena, bestela ezin izango genuke honenbeste argazki ordaindu.

Hona hemen atera genituen argazkitariko batzuk:

Ajangizen atera genuen taldearen argazkia.





Triptikoak banatu ziren.

Ajangizko emakumeek egindako murala.

Ajangiztik Arabietarantz.

Kontu kontari aurrera.

Arabieta aldean.

Arana auzoan errepidea gurutzatu,......

...gurutzatu,...

amaitu da ilara? denok gaude?

Arana auzotik.

Mikiene errekaren ondotik...

Gaurkoan ahateak ditugu ongi etorria ematen. Kua-kua,..., egun on!








Ikurriña da? Artistaren bat ibili da hemendik ere.

Santos Txirenes baselizaren aurrean geldiunea, zergatik da ezaguna? Bertako batek egin omen zituen irudi guztiak.

Nolako santuen irudiak dauzka barruan ba? Baten batek jakin du apostulu batek ez duela bizarrik.

Eskatu eta giltzduna etorri zitzaigun, beren beregi, gu barrura sartzeko.

Irudi asko daude barruan, horietariko batzuk honako hauek. Gehiago ikusteko urtean behin bertan egiten den jaira joan beharko duzue.

Denak ez daude basezila barruan, sinismenik ez dago ala neskak?

Hori martxa, hori! Zer Maite, ezkertiak gara ala?

Hau bai baseliza dotorea! Oraintsu berriztuta dago Amillaga.

Aldats gogorrena igo ondoren atsedenalditxoa merezi dugu, ezta Eneritz?

Harri horren konturik inork ez zigun kontatu. Zer da hori Ani edo Fernando, Estelaren bat? kontatu, kontatu.

Iturri horren inguruan ere, ez dakigu ezer; nork kontatuko digu, Torrek, Orkonek edo Alvaritok?

Zamudiotik, Etxebarritik, Ajangizetik, Gernikatik, Lumotik..., internazionalak gara gu.

Bagoaz txiri-txiri Lumorantz.

Argazkia iluntxu badago ere, argi ikus daiteke Lumoko eleizako erlojuan 12:00ak direna. Bederatzietan irten eta hemen geratu, han jezarri, bestea ikusi edo entzun eta hiru ordutan Lumon. Hau marka!

Aixerrotazpiko txokoan eskuak zabalik hartu gintuzten.

Kanpoan mahai ederraren gainean, zer jan eta zer edan ez zen falta izan, galdetu bestela Manuri eta Rosa Mariri.

Mama goxoa,

Mama goxoa,

edango neukela

beterik basoa, klink

Txokoko arduradunak medikuari eta txirrindulari ohiari azalpenak ematen.

Batzuk barreka eta bestea negarrez, zer gertatzen da ba?

Hara kontua zer zen, kontortsionista hau nekatu gabe dago. Horrenbeste kilometro egin eta gero, hain agil zelan dago ba?

Lumoko Kaltzadatik behera.

"Sierra karreras"ak badatoz. Txokoan dena garbi utzi duzue?

Fito ere halako etxe baten bizi da, zeinetan ez badakizue jarri etxe aurrean eta atoan igarriko duzue.

"Campos Eliseos" ere ez hain dotorea!

Hemen gure gidariak denoi agur egiten. Eskerrik asko ibilaldi zoragarri hau prestatu duzuelako.

Hara zelako fruituak ematen dituen Gernika erdian dugun azeitunondo dotore horrek. Ezetz jakin zein kaletan dagoen.

Zibilizaziora etorrita, derrigortu egin zuten berriro gure kontortsionista oholtza gainera igo eta erakustaldia egitera. Hemendik "salto a la fama" emango duzu zuk.

Oharra: Hurrengo irteera apirilaren 24an egingo dugu. Sasoiz jasoko duzue informazio zehatza.