2007/12/21

formularioa




izena
1. abizena
2. abizena
e-posta
telefonoa
herria
zure mezua hemen
Image Verification
captcha
Idatzi irudian azaltzen dena:
[ Beste irudi bat ] [ Zer da hau? ]




Datu Pertsonalak Babesteari buruzko abenduaren 13ko 15/1999 Lege Organikoan xedatzen dena betetzearren, jakinarazten dizugu zure datu pertsonalak PRAKTIKA JARDUERAK fitxategian sartuta daudela eta horren helburua dela praktika zerbitzuan izena ematen duten pertsonen kudeaketa. Datu horiek administrazio publikoei laga ahal izango zaizkie, goian zehaztutako helburuak betetzeko xedez. Fitxategia Datuak Babesteko Agentzian aitortu dugu eta datuen segurtasuna bermatzeko neurriak ezarri ditugu.

Fitxategi horien erantzulea EUSKARAZ KOOP. ELKARTEA (AEK) bera da eta, horri dagokionez, hala nahi izanez gero, aipatutako Legean aurreikusitako sarbide, zuzenketa, ezeztapen eta aurkaritza eskubideak balia ditzakezu; horretarako Txakur Kalea 1, 4.a 48.500 Bilbo helbidera edo lopd@aek.org posta elektronikora eskaera bat bidali behar duzu, NA edo nortasuna egiaztatzeko beste agiri batekin batera.

2007/11/22

taldeen ordutegia 2007-08 ikasturtean

BERBALAGUN TALDEEN ORDUTEGIA 2007-08 IKASTURTEAN

Astelehenetan
10:00etatik 11:00etara
19:00etatik 20:00etara

Astearteetan
15:00etatik 16:00etara
19:00etatik 20:00etara

Asteazkenetan
18:00etatik 19:00etara
20:00etatik 21:00etara

Ostegunetan
11:30etatik 12:30etara

Ostiraletan
11:30etatik 12:30etara

Larunbatetan
11:00etatik 12:00etara
12:00etatik 13:00etara


Oharra:
a) Momentuz, talde hauek antolatuta ditugu; taldeak gehitzen joan ahala hemen jarriko dugu ordutegia ikusgai.
b) Izena eman edo informazio gehiago nahi izanez gero deitu telefono zenbaki hauetako batera: 946257710 edo 946270211 edo 946253596 edo bestela, AEK euskaltegian edo Udal Euskaltegian.

2007/07/05

"EZETZ JAKIN" LEHIAKETA

"Ezetz jakin" lehiaketa

2007ko urtarrilean martxan jarri genuen. 16 urtetik gorakoek har dezakete parte eta 22 galderei erantzun ondoren Kultur Etxean Berbalagunek jarrita duen buzoian sartu behar dute.
Zuzen erantzun dutenen artean zozketa egin eta irabazleak hile horretako saria jasotzen du.

Harrera ona izan du lehiaketak, lehenengo hilabetean 51 lagunek erantzun zuten; bigarrenenan 74k; hirugarrenean 60k; laugarrenean 91k; bosgarrenean 80k eta seigarrenean ekainekoan 76k. Kopuru polita ezta?

Hona hemen irabazleak saria jasotzen:

Urtarrileko saria Omago Txikik eman zuen, bi lagunentzako merienda. Irabazlea Belen Abadia izan zen.

Otsailean Julen jatetxeak eman zuen bi lagunentzako afaria. Irabazlea Roman Atxirika izan zen.


Martxoan Nere Kabiak bi lagunentzako plater konbinatuak eman zituen. Irabazlea Lide Gonzalez izan zen baina, saria bere nebak jaso zuen.

Apirileko saria Zallo Barrik eman zuen, bi lagunentzako menu berezia. Irabazlea Joseba Gabriel izan zen baina, saria jasotzera ama bidali zuen.

Maiatzean, Mari Angeles Bilbaok irabazi zuen Bengoetxe jatetxeak emandako bi lagunentzako afaria.

Ekaineko saria, bi lagunentzako afaria Gernika jatetxean, Marta Gomezek irabazi zuen.

2007/07/03

LARRUGINTZA

LARRUZKO hainbat gauza egiten ikasi dugu. Hara Kultur Etxean ikasturtearen amaieran jarri dugun erakusketa. Hamabost egunetan ikusgai izan dira gure lanak.

Hor ageri dira tarjetak sartzekoak, kareta, poltsa,...

Goiko argazki horretan giltzariak, agenda tapak, ....

Hor Berbalaguneko gure irudia, karetak, poltsak,... Politak ezta?


Pirograbatua ondo eginda dago?Zer irizten diozue gure lanari? Barruko bitrina horretan daudenak ez dira hemen ikusten, goragoko argazki batean ikus daitezke.

JOSTEN

JOSTEN IKASTEKO saiotxo batzuk ere antolatu genituen. Ostegun arratsaldeetan hor ibili dira fin-fin jostorratza eta haria eskuan hartuta 20 lagun inguru. Maite Beaskoak irakatsi die ojalak egiten, botoiak josten, praka barrenak hartzen, kremailerak aldatzen,... Bateren batek bainika egiten ere ikasi du, ezta Bego?

Hara goiko horiek lehenengo egunean botoiak josten.

Jendea kontzentratuta lanean Maiteren esanetara.

Botoiaren zulotik jostorratza sartu, marapiloa eman eta ebaki, besterik ez da egin behar ezta Txomin?

Zer dauka Leirek ahoan?

Josetxo hor dabil haria sartu ezinik, antiparrak behar dituzu ala?


2007/07/02

LARRUZKO MASKARAK-KARETAK

Ostiral arratsaldeetan Kultur Etxean, 5etatik 7etara larruzko karetak egiteari ekin genion, Izaskun Etxabarriren esanetara. Ardi larrua (badana) erabili izan zen eta bina kareta egin genuen, moldean sartu, sikatu eta margotu, beste misteriorik ez du. Erraza eta polita izan zen ikastaroa, irudimena besterik ez da behar.

HONA HEMEN BERTAKO ARGAZKI BATZUK:

Goiko honek hiru lau gauza batera egiten ari da, argazkiak ateratzen, berba egiten, karetak,...
Hau da gure irakaslea. Honek bai badakiela gauzak ondo egiten!

Era guztietako karetak izan ziren, adardunak, adarbakoak,.... Baina politak, ezta?

Hara Ima ere bere lan dotorea erakusten.

Amaia hori bai trebezia! Ondo ikasi duzu zuk lekzioa.

2007/06/28

ARDO DASTAKETA

ARDOAREN ETA ARRAINAREN ibilbidea egin ostean ardo dastaketari ekin genion. RAMON BILBAOren upeltegiko ardoak dastatu genituen, Alvariño bat eta ardo beltz bi. Goizean, ibilbidea egiten jende gutxitxoago izan zen baina, ardo dastaketan 25 lagun inguru bildu ginen.

Hona hemen Rugby tabernan atera genituen argazki batzuk:

Kupelak mahaitzat hartu genituen.

Igor Basterretxearen azalpenak entzuten jendea adi-adi egon zen. Boteilla horiek Alvariño ardoarenak dira.


Edan aurretik hori egin behar omen da, usaindu. Aitorrek lezioa ondo ulertu zuen.

Edan baino lehen zein kolore duen ikusi behar omen da. Marta, Amaia, Jose Luis eta Marije ezta horrela?

Ramon Bilbao upeltegiaren arduraduna ere hor izan genuen gurekin; ezetz aurkitu zein den!



ARDOAREN ETA ARRAINAREN IBILBIDEA

Ekainaren 23an, zapatua, ARDOAREN ETA ARRAINAREN IBILBIDEA Mendatatik Gernikara egin genuen. Gidari lanetan Iratxe Uriguen izan genuen eta, hara zer kontatu zigun:

Arraina, Erdi Aroko dietan funtsezko produktua zena, gazitua, ketua... kontsumitzen zen. Sardinak, bisiguak eta sardinzarrak ohikoak ziren iberiar penintsulako barneko merkatuetan. Bermeo, 1236an sortua, Kantauriko porturik garrantzitsuenetakoa zen, eta nahiz eta Lekeitio eta Ondarroa ia mende bat beranduago sortu, berehala ezarri ziren merkataritza-ibilbideak penintsularekin lotzeko Urkiolako gainaren bidez, Durango eta Gasteiz artean.

Arrainaren esportazioa gehienbat neguan egiten zen, mandazainak Bermeo, Ondarroa eta Lekeitioko kofradiara hurbiltzen zirenean arrain freskoa erosteko. Arrain hori upeletan sartzen zuten elurrarekin. Arraina bidaiak egiten zuten garai hartako tenperatura baxuei esker mantentzen zen.

Hiru portu hauetatik abiatzen ziren mandazainak beren mando edo gurdiekin arrain freskoa edo gazitua garraiatuz. Itzulerako bidaian, Errioxa, Nafarroa edo Gaztelatik garia, gatza, ozpina edo ardoa ekartzen zuten. Arrain eta labore trafiko honen babesean luxuzko produktu bat merkaturatzen hasi zen: ardoa hain zuzen ere. Batez ere Araba Errioxatik ekartzen zuten eta oso preziatua zen, baita txakolina baino garestiagoa ere. Txakolina Bizkaian egiten zen ardo gaztea zen.

Mandazainek Bizkaiko orografia zaila zeharkatzen zuten Otxandioraino, baina bideak oso erabiliak ziren. Izan ere, egunero heltzen zen Gasteizko merkatura Bizkaitik etorritako arrain freskoa.

"Ardoaren eta arrainaren" ibilbidea Urkiolako portutik oso erabilia izan zen XV. mendetik XVIII. mende hasierara arte, Errege bidean hobekuntzak hasi zirenean, Urduñako portutik Gaztelara joateko. Ibilbide hori zegoen bezala mantendu da XX. mende hasierara arte, mandazainek eta arrain saltzaileek hortik joateari utzi ziotenean.

Gaur egun, ibilbide turistiko eta kulturala bihurtu dena, baita GR handia ere (GR38), Ardoaren eta Arrainaren ibilbideak bere antzinako distira berreskuratu nahi du, ea ibilbidea XXI. mendeko ibiltari berriez betetzen den.

Hona hemen geuk ateratako argazki batzuk:


Hau Mendatako turismo bulegoaren aurrean atera genuen.

Hasierako azalpenak ematen dugu hor Iratxe Uriguen.


Mendatan dagoen ibilbidearen Kartela duzue horko hori.


Jendea eskuak gurutzatuta azalpenak entzuten; errezatzen ote daude bada?


Hasierako ume txikia galdu dute hauek. Bego, non dago Aitor?

2007/06/20

ARDOAREN eta ARRAINAREN IBILBIDEA

Ekainaren 23an, zapatua, MENDI TXANGOA egingo dugu; GR 38

Ikasturte honetako azken txangorako ibilbide historiko bat aukeratu dugu. Ardoaren eta arrainaren bide zaharretik MENDATAtik GERNIKAra joango gara, Mandazainen eta Merkatarien antzinako bidetik. Gidari lanetan IRATXE URIGUEN izango dugu.

9:30ean Kultur Etxe aurrean egon beharko dugu; mendiko botak edo mendian ibiltzeko egokiak diren oinetakoak eraman. Mendataraino autoz joango gara.

....eta gero.......... ARDO-DASTAKETA
____________________________________________________


13:00etan-----------------------RUGBY TABERNAN

ARDOA DASTATU ETA EDARI GOXO HONETAZ GEHIAGO JAKIN NAHI BADUZU....

Erdu RAMON BILBAO UPELTEGIAren eskutik antolatu dugun ardo dastaketa egitera eta gozatu etxe honetako hainbat ardorekin ( tartean albariñoren bat ere sartuko omen dute)

OHARRA: Parte hartu nahi duenak emon izena aurretiaz UDAL EUSKALTEGIAn edo AEKn

2007/06/14

MITOLOGIA

Mitologiaren gaineko hitzaldi-solasa izan genuen ekainaren 12an, kultur etxean. Hizlaria Josu Larrañaga izan zen, 25 lagun inguru bildu ginen.
Batez ere, San Juan bezperaren inguruko sineskerak ala sineskeriak izan genituen hizpide.

Sua.- Garbitzeko, berritzeko... Eguzkiaren indarra ematen jarrai dezan eskatzeko ospakizuna.
Ura.- Garbitzeko elementua, hainbat kulturatan... Indian(Ganges), Mesopotamian... eta San Joanen kasuan Jordan ibaian bataiatu zuen San Joanek Jesus. Hori baion zaharragoa da Uraren indarra euskaldunon artean: goizeko ihintza edo garoa (ortozik ibiltzea, erreketan bainatzea, iturrietako ura... edertzen dute).
Landareria.- Elorria eta lizarrak tximistetatik babesten dute etxea. "San Joan bedarrak", San Joan goizean bedeinkatzen direnak eta hainbat gaixotasuni aurre egiteko erabili izan direnak...
"kurtzekijje" (sahatsa), Lumon solo bazterretan jartzen zen soloa sorgin eta parte txarrekoetatik babesteko.

*San Joan Kantak
San Juan bagilian denbora ederrian hainbeste usain goxo, San Juan, San Juan. Donie, Donie San Juan dator artoa eta garije bedeinkatzen. (Lumo, Mendilondo baserria)

San Juan dabil soloetan solo guztiek bedeinkatzen lapurrak erre, sorginak erre artoa eta garije kaixan gorde. (Lumo, Aranbarrene baserria)

San Juan bagilian denbora ederrian hainbeste usain goxo, Donie, Donie bezpera gabien Abadiek hasarratu zirien, Ez eben besterik egiten Eta bakarrik musturrek eusiten Gure soloan sugerik ez, zure soloan sugoiek. Gure soloan kalterik ez, zuen soloan kaltie. Gure soloan sagurik ez, zuen soloan saguek. (Lumo, Obar baserria







2007/06/12

ZIRKUITOA: GERNIKA-FORUA-GERNIKA

Hara zelako argazki politak atera genituen, erreka hegaletik joan ginen zapatu goiz euritsuan:

Ahate dotorea goiko hori, ezta?

Hona hemen Atxagako zikoinak.

Aterri une bakarrenetakoa izan genuen hori.


Xabier Arana azalpenak ematen liburu eta guzti .

Gabonetan tarteraren batera joango dira horiek.


Ordu bietan amaitutzat eman genuen ibilalditxoa. Triñera eta San Kristobalera hurrengo baten joan beharko dugu.

TAROTA GURE IZAERAREN ARABERA

Tarota gure izaerari buruzko pista ematen du.

78 karta ditu tarotak; horietatik 22 Arkano edo Figura nagusiak dira. Horietako bakoitzaren ezaugarriak aztertu genituen. Bakoitzaren izaeraren 22 figura horiek ze eragin duten aztertzen hasi ginen, eta kartak botatzeko aukera ere izan genuen. Bakoitzak hiru zenbaki ditugunez, hiru figurak eragiten dute guregan.

Tarot unibertsalaren arabera, jaiotzen garenean hiru zenbaki ditu gutako bakoitzak. Zenbaki horiek taroteko figurekin alderatuta, pertsonaren izaeraren gaineko zertzeladak kalkulatzen ditugu. Horretan saiatu ginen tarotari buruzko berbaldian, nahiz eta, beste galdera asko airean geratu.

Hainbat karta eta galdera aztertu genituen, eta figura nagusien artean gurekin estuen lotuta zein zegoen aztertzen hasi ginen. Guztiei ez zitzaien gustatu euren zenbakia, baina jaiotzako data ezin denez aldatu....

Hona hemen bertan ateratako argazki batzuk:




2007/06/09

IRRINTZI IKASTAROA

Nati Ibarra gure irakasleak badaki irrintziak zelan bota eta zelan irakatsi besteoi ere. Hiru eguneko ikastarotxoa egin genuen; irrintziak ez eze arnasa nola hartu ere ikasi genuen.
Hona hemen gure irrintzilariak: