Pages

2015/02/27

Bihar, mendi irteeran, banatuko dugun triptikoa

Biharko mendi irteeran banatuko dugun triptikoa duzue honako hau. Dena delakoagatik, bihar gurekin etortzerik ez baduzue, jaso hemendik eta hurrengo baten, etxekoekin edo lagunekin, irteera hau egiteko informazio zehatza jasoko duzue.
Goizean aterri egongo omen da; beraz, ez jarri euriaren aitzakia. Atara nagiak eta erdu gurekin!

2015/02/26

Oheko-tapakiak zorroa ere badauka!

 Oheko-tapakiari zorroa egin diogu. Hara eta hona eramateko poltsa dotorea josi dugu. Gura izanez gero beste erabileraren bat be emon ahal diogu, kuxina, esatebaterako.
Laukiekin jokatu eta alderdi baten laukien alde iluna barrurantz jarri dugu, eta beste aldean, zuriak. Modu horretara, alderdi bakoitzak dibujo desberdina dauka.
Hara, Bikaña altzaridendan, tapakiarekin batera, zeinen dotore agertzen zaigun.
Urtarrilaren 14an egingo dugu zozketa. Eskuratu, lehenbailehen, errifak ea zorterik duzuen!

2015/02/20

Mendi irteera 28an

Mendi irteera otsailaren 28an egingo dugu. Beti bezala, goizeko 9:00etan kultur etxearen aurrean elkartuko gara eta Gernika-Lumo-Bilikario-Gerekiz-Larrabetzu egingo dugu. Guztira 16 km izango dira. Itzulera Bizkaibusen egingo dugu.
Aprobetxatu ingurua ezagutzeko, lagun berriak egiteko, ondo pasatzeko eta ,jakina, larunbat goiza, behintzat, euskeraz egiteko.
Eman izena AEKn edo Udal Euskaltegian.

2015/02/19

Oheko tapakia amaituta!


Busturialdeko Berbalagunok azaroan hasi genuen proiektuak argia ikusi du. Amaitzeko, urtarrilaren amaierako epea jarri genuen eta lortu dugu, amaituta dugu. Hau poza!
Errifak atera ditugu eta salgai dauzkagu. Auzolanean egindako honetatik ateratzen dugun dirua KORRIKArako izango da. 
Zozketa martxoaren 14an egingo dugu Arrien kafetegiaren aurrean. Ordura arte oheko tapakia ikusgai izango dugu Gernikan BIKAÑA altzari-dendan eta Bermeon BED'S koltxoi-dendan.

2015/02/17

KORRIKAREN aurkezpena 19an Elai Alai aretoan

19. KORRIKAren aurkezpena egingo dugu ostegunean, otsailaren 19an, 19:00etan, Elai Alai aretoan.
Bertan hainbat gauza ikusteko eta entzuteko aukera izango dugu; Ross dantza eskolakoek saioa egingo dute; aurtengo arropa ikusgai jarriko digute umeek, gazteek, zein nagusiek; dokumentala eta abestia entzun eta ikusiko ditugu; eta, eta, eta .... Ez galdu aukera, erdu zeu ere!

2015/02/14

Otsaileko "Ezetz Jakin" lehiaketa


Hemen duzue otsaileko "Ezetz Jakin" lehiaketa. Dagoeneko, herrian zabalduta daukagu betiko lekuetan: Kiroldegian, Euskaltegietan, tabernetan, Berritzegunean, EPAn, Udaletxean, kultur etxean, eskoletan, institutuetan, ... Aipatutako leku horietan jaso ez baduzu, bertotik deskargatu, bete eta kultur etxean dugun buzoian sartu otsailaren 27a baino lehen.
Oraingoan, ARRIEN tabernak emango du lagun birentzako afaria.
Ea zortea duzun eta zuri tokatzen zaizun!

2015/02/13

Aratuste Domekan irrintzi erakustaldia

Aratuste Domekan, aurreko urteetan bezala, marro jantzita, irrintzi erakustaldia egingo dugu kultur etxeko balkoitik.
Irakurri egitaraua. Ostean eta lan-sari moduan pintxoak eta txakolina edukiko dugu.

2015/02/12

"Salto a la fama" eginda gabiltza

Gernika-Lumoko Berbalagun "Salto a la fama" eginda gabiltza. Irrintzi ikastaroa dela-eta, atzo Euskadi Irratiak elkarrizketa egin zion gure irakasleari, Amaia Garciari, eta gaur 19:30ean ikastarora, grabatzera etorriko dira Euskal Herria Zuzenean saiorako Euskal Telebistakoak.

Bederatzi urte daramatzagu horrelako ikastaroak  antolatzen, eta orain arte irakasle izan ditugunei beste herri askotatik ere deitu diete saioak emateko.
Gora Nati Ibarra eta gora Amaia Garcia!!!!!!!!

2015/02/10

Ekaitzaren ostean San Jose loreak

Hara gaur, Santa Ana auzoan, zer topatu dugun, San Jose loreak. Ekaitzaren ostean, gu lasaitzeko erne ote dira ba? Motetan urteko lehenengoak izaten dira hauek. Dotoreak, ezta?

2015/02/06

Irrintzi ikastaroa otsailaren 12an

Otsailaren 12an, ostegunean, ordu eta erdiko ikastaroa emango digu Amaia Garciak Elai Alai aretoaren ondoko lokalean, lehen "Correos" izan zen tokian.
Animatu eta eman izena lehenbailehen AEKn edo Udal Euskaltegian. Doakoa da.

2015/02/05

Urtarrileko lehiaketaren irabazlea




Joseba Gabriel Rojok irabazi du urtarrileko "Ezetz Jakin" lehiaketak ematen duen saria. Irabazleak lagun birentzako afaria, LEZAMA jatetxean, lortu du.
Oraingoan, 102 lagunek eman dute erantzuna eta horietatik guztiz ondo erantzun dutenak 44 izan dira.
Epez kanpo beste lagun biren erantzunak jaso ditugu, baina horiek ezin izan ditugu onartu.


Busturialdeko HITZAn, berria 2015-02-06an honela agertu da. Josebari izena aldatu diote, baina badakigu berak irabazi duena.


Hara nolako argazkia bialdu zigun irabazleak. Saria iraungi orduko bazkaltzera joan ziren emaztea eta biok. Ondo, ezta?

Otsaileko lehiaketa  martxan dugu. Gure babeslea, oraingoan, ARRIEN taberna da. Eskuratu hainbat arinen orriak eta erantzunak eman ostean, sartu kultur etxean dugun buzoian. 
Ea hurrengoan zeu zaren irabazlea.