Lehenago irrintzilariak mezulariekin lotzen bazituzten ere, gaur egun irrintzia eta umore ona elkarren lagun onenak ditugu. Ugariak dira irrintziarekin lotzen gaituzten jaiak edo ospakizunak, eta bereziki ate-joka dauzkagun Inauteriak edo Aratusteak.
Hori dela-eta animatu nahi zaituztegu "BERBALAGUN"ek laugarren urtez antolatu duen "Irrintzi ikastaro"an parte hartzera. Kartelean ikus ditzakezue ikastaroaren zehaztasunak, Amaia Garcia izango dugu irakasle eta beregandik ikasiko dugu arnasketa kontua, kanon ezberdinetako irrintziak nola bota, amaierarik egokienak, ...
Hobeto ikusteko edo kopiak atera nahi badizkiozue, handitzea baino ez duzue, nola? klikatu gainean eta kito.
Halako aukerak ez dira sarri-sarri izaten; beraz, animatu eta eman izena lehenbailehen.
No hay comentarios:
Publicar un comentario